Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

«Baıqońyr» kesheni boıynsha úkimetaralyq komıssııanyń jumysy qorytyndylandy

2021 jyldyń 13 jeltoqsan 2021 11:40

NUR-SULTAN. QazAqparat - «Baıqońyr» kesheni boıynsha jetinshi úkimetaralyq komıssııanyń jumysy qorytyndylandy, dep habarlaıdy QazAqparat Úkimettiń saıtyna silteme jasap.

Búgin Qazaqstan Respýblıkasy Premer-Mınıstriniń orynbasary Roman Sklıar men Reseı Federatsııasy Premer-Mınıstriniń orynbasary ıÝrıı Borısovtyń tóraǵalyǵymen ótken jalpy otyrysta «Baıqońyr» kesheni boıynsha jetinshi úkimetaralyq komıssııa jumysynyń qorytyndysy shyǵaryldy.

Kelissóz barysynda taraptar «Baıqońyr» keshenin birlesip paıdalaný jáne odan ári damytý perspektıvalaryna, sondaı-aq Baıqońyr qalasynyń tirshilik deńgeıin jaqsartýǵa qatysty Qazaqstan-Reseı yntymaqtastyǵynyń aǵymdaǵy baǵyttaryn talqylady. Úkimetaralyq komıssııa músheleri «Báıterek» ǵaryshtyq zymyran keshenin qurýdyń birlesken jobasyna erekshe nazar aýdardy, sharalar tizbesi men júzege asyrý merzimderi belgilendi. Keshen múlkin utymdy paıdalaný, ınfraqurylym men áleýmettik salany jańǵyrtý mindetteri de qarastyrylǵan.

Jıynǵa qatysýshylar aımaq pen ǵarysh aılaǵynyń ekologııalyq qaýipsizdigin arttyrýdyń mańyzdylyǵyna, keshenniń paıdalanylmaı turǵan nysandaryn jalǵa berýden shyǵarý, esepten shyǵarý jáne kádege jaratý máselelerine jeke-jeke toqtaldy. Kún tártibindegi máseleler boıynsha sarapshylar ózara qolaıly sheshimder tapty, bul ÚAK otyrysynyń hattamasynda kórsetilgen.

Kezdesý sońynda taraptar ózara is-qımyldyń joǵary deńgeıin jáne «Baıqońyr» kesheniniń strategııalyq baǵyttaryndaǵy mindetterdi tabysty júzege asyrý úshin qajetti áleýettiń bar ekenin atap ótti.


Basty sózder: QR Úkimeti, Baıqońyr, Ǵarysh,
Joǵary qaraı