Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Baıqońyrda arandatý maqsatynda jalǵan aqparat taratqan turǵyn 30 táýlikke qamaldy

2022 jyldyń 12 qańtar 2022 16:16

BAIQOŃYR. QazAqparat - Áleýmettik jelidegi paraqshasynda arandatýshylyq sıpattaǵy jalǵan aqparat taratqan Baıqońyr qalasynyń 49 jastaǵy turǵyny anyqtaldy, dep habarlaıdy QazAqparat tilshisi.

7 qańtarda Baıqońyr qalasynyń 49 jastaǵy turǵyny áleýmettik jelidegi paraqshasynda arandatýshylyq sıpattaǵy jalǵan aqparat taratqan.

Oǵan qatysty QR Ákimshilik quqyq buzý kodeksiniń 478-babynyń 1-bóligimen ákimshilik hattama rásimdeldi.

Onda tótenshe jaǵdaı kezinde quqyqtyq tártipti buzýǵa ıtermeleıtin áreketter jaǵdaıy kórsetilgen.

«Bul boıynsha protsessýaldyq sheshim qabyldaý úshin Baıqońyr qalalyq sotyna joldandy. Sot sheshimimen oǵan 30 táýlikke ákimshilik qamaqqa alý túrindegi ákimshilik jazasy taǵaıyndaldy», dep málim etti Qyzylorda oblystyq polıtsııa departamentinen.

Polıtsııa málimetinshe, oblys kóleminde azyq-túlik dúkenderi, dárihanalardyń jumys ýaqyty kúndelikti saǵat 21:00-den 08:00-ge deıin toqtatyldy.

Alkogol ónimderiniń satylýyna tyıym salyndy.

Kafe-barlar, meıramhanalar, qoǵamdyq monshalar, saýnalar, sporttyq uıymdar, oıyn-saýyq ortalyqtarynyń jumysyna tyıym salynyp, oblys aýmaǵynda ornalasqan barlyq qarý-jaraq jáne arnaıy quraldardy satatyn dúkender jabyldy.

Eske salsaq, Qyzylordada polıtsııanyń kómegimen bankomattarǵa aqsha salynyp jatyr.


Joǵary qaraı