Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Baytak Dala – Babalar Murasy ekspedıtsııasy Qaraǵandy oblysynda bolyp qaıtty

2021 jyldyń 17 maýsym 2021 23:36

QARAǴANDY. QazAqparat – Baytak Dala – Babalar Murasy etnografııalyq ekspedıtsııasy Qaraǵandy oblysynyń kıeli jerlerinde boldy. Saıahatshylar 1 158 shaqyrymdy eńserip, ortalyq jáne soltústik-shyǵys Qazaqstannyń sulýlyǵyn tamashalaýǵa nıetti, dep habarlaıdy QazAqparat tilshisi.

Etnografııalyq ekspedıtsııa jetekshisi – saıahatshy jáne entýzıast Mıram Baıkenov.

Ol pikirlesterimen birge TMD elderi boıynda eń kúrdeli marshrýttardy qurastyrý jáne ótkizý boıynsha úlken tájirıbege ıe.

Mıram men onyń komandasy ár saıahatyn muqııat oılastyrady jáne qazirgi ekspedıtsııa bastalǵanǵa deıin olar 4,563 shaqyrym jol júrip, tájirıbe jınaǵan.

Olar Pamır traktisin baǵyndyryp, onyń eń bıik núktesi – Aq baıtal asýyna shyqty.

«Baytak Dala – Babalar Murasy ekspedıtsııasyna otbasylyq ekıpajdar qatysady. Bul ata-ájeler, balasy bar analar men ákeler. Bizdiń maqsatymyz – jas saıahatshylarǵa tabıǵatymyzdyń sulýlyǵyn kórsetý: keń baıtaq dalamyzdy, bıik taýlar, ózender men kólderdiń kógildir sýlaryn tamashalaý. Sondaı-aq qazaq jeriniń baı qoınaýy da bar. Ekspedıtsııa tek tanymdyq qana emes, sonymen qatar balalarǵa smartfon men gadjetterden aýlaq bolýǵa kómektesedi. Internet dáýirinde balalar oflaındaǵy qyzyqty ómirdi kóredi», – dep atap ótti Mıram Baıkenov.




Qaraǵandy oblysynan ekspedıtsııaǵa «Ulytaý» ulttyq tarıhı-mádenı tabıǵı qoryq-murajaıynyń jáne Temirtaý qalasynyń «Splav» halyqtyq fotoklýbynyń qyzmetkerleri qatysýda.

Jaqynda saıahatshylar Aqtoǵaı jáne Qarqaraly aýdandarynda boldy.

«Bizdiń baǵytymyz Balqash kólinen bastaldy. Ári qaraı biz Bektaý ata taý silemine bet aldyq. Taýlardaǵy keremet kórinisterden epekshe áser alyp, dala jolymen Aqtoǵaı aýdanynyń basqa kórikti jerlerine qaraı bet aldyq. Beǵazy-Dándibaı mádenıetiniń eskertkishi janynda bolyp, Qyzylaraı taý tizbegine qaraı jyljydyq. Qyzylaraı oazısi – orman, dala men taýlardyń biregeı flora men faýnasynyń keremet úılesimi. Ortalyq Azııanyń eń bıik núktesi Aqsoran da osy tizbekte ornalasqan», – dep qosty Mıram Baıkenov.




Ekspedıtsııa músheleri Aqtoǵaı aýylynyń ólketaný murajaıynda boldy.

Onda kóptegen erekshe jádigerler saqtalǵan. Qazba jumystary kezinde tabylǵan ejelgi zattardan basqa, murajaıda jarty ǵasyr buryn joıylyp ketken Turan jolbarysy bar.

Qarqaralydan Baıanaýylǵa deıingi jol ekspedıtsııa múshelerine Áýlıetas, Qyzyltaý jáne Qý taýlarymen tanysýǵa múmkindik berdi.











Joǵary qaraı