Aýa raıy
Astana -1 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

«Báıterek» holdınginiń óńdeýshi sektordy qarjylyq qoldaýy 17%-ǵa artty

2020 jyldyń 23 qyrkúıek 2020 18:13

NUR-SULTAN. QazAqparat – QR Premer-Mınıstri Asqar Mamınniń tóraǵalyǵymen ótken «Báıterek» ulttyq basqarýshy holdıngi» AQ Dırektorlar keńesiniń otyrysynda holdıngtiń 2019 jylǵy ınvestıtsııalyq saıasaty máselesi qaraldy, dep habarlaıdy QazAqparat.

2019 jyly «Báıterek» holdınginiń enshiles uıymdary ekonomıkanyń shıkizattyq emes salalarynyń kásiporyndaryna jalpy somasy 839 mlrd teńgege qoldaý kórsetti. Ótken jylmen salystyrǵanda qarjylyq qoldaý kólemi 123,8 mlrd teńgege nemese 17%-ǵa ulǵaıdy.

Ekonomıkanyń jeke sektoryn damytý maqsatynda 2019 jyly kvazımemlekettik sektor sýbektilerine nemese olarmen úlestes zańdy tulǵalarǵa jatpaıtyn 5 500 kompanııa men uıymǵa 712 mlrd teńge somasynda qoldaý kórsetildi.

Holdıngtiń otandyq eksporttaýshylardy qoldaýynyń arqasynda ótken jyldyń qorytyndysy boıynsha eksport kólemi 1 trln teńgeden asty (2018 jyly – 750 mlrd teńgeden asqan).

Sonymen qatar otyrysta «Báıterek» UBH» AQ-nyń 2020 jyldyń ekinshi toqsanyndaǵy táýekelderi jónindegi esebi bekitildi.





Joǵary qaraı