Aýa raıy
Astana 30 °S
Almaty 36 °S
valıýta baǵamy
USD 412.55
EUR 468.66
RUB 5.79
CNY 58.80

Baıtursyn Ómirbekov: Búgingi qıyndyqty aýyzbirliktiń arqasynda ǵana jeńe alamyz

2020 jyldyń 13 shilde 2020 14:51

NUR-SULTAN. QazAqparat – Búgin mine, qabyrǵamyz qaıysyp otyr. Memleket basshysy búgingi kúndi Jalpyulttyq aza tutý kúni etip jarııalady. Bul durys sheshim árıne. Az ýaqytta qanshama azamat baqılyq bolyp ketti.

«Osy rette men arandatýshylar indettiń taraýyn paıdalanyp, halyqty ártúrli áreketke de ıtermelep jatqanyn, alaıda biz eldigimiz ben táýelsizdigimizdi ýystan shyǵarmaýymyz kerektigin aıtqym keledi»,-deıdi ónertanýshy, Qazaqstannyń eńbek sińirgen qaıratkeri Baıtursyn Ómirbekov.

Bul pikirin ol QazAqparat tilshisine bergen suhbatynda aıtty.

«Eldi koronavırýs degen indet jaılap, bireýdiń ata-anasyn, bireýdiń baýyryn, dos-jaran, aǵaıyn-týysyn alyp ketip jatyr. Solardyń arasynda nebir jaqsy-jaısańdar, aqylgóı-abyzdar, talanty asqan daryndar, halqyna aıtaryn aıta almaı, bererin bere almaı shermende bolyp ketkender qansha?! Sol sebepti de 13 shildeni – Jalpyulttyq aza tutý kúni dep belgilep indetten qaıtys bolǵandarǵa topyraǵy torqa, jandary jánnatta bolsyn dep, jaqyndaryna jaqsylyq tilep, qaıǵylaryna ortaq ekenimizdi bildirip jatyrmyz», - deıdi ónertanýshy, Qazaqstannyń eńbek sińirgen qaıratkeri Baıtursyn Ómirbekov.

Ol osy bir kezeńde bizdiń qoǵam tolqý ústinde ekenin aıtty.

«Іndettiń qarqyny úreı týdyrady. Erteńgi kúnniń tirshilik-qamy taǵy bar. Ekonomıkalyq daǵdarys, ınflıatsııa halyqtyń mazasyn ketirip-aq tur. Osy oraıda Prezıdent Qasym-Jomart Toqaevtyń Úkimettiń keńeıtilgen otyrysynda aıtqandary kókeıge qonymdy. Arandatýshylar jaǵdaıdy paıdalanyp, halyqty ártúrli áreketke ıtermeleıdi. Biz eldigimiz ben táýelsizdigimizdi ýystan shyǵarmaýymyz kerek. Halyq bolyp Prezıdentimizdi qoldaýymyz kerek. Birlikte bolyp, elimizdi qıyn jaǵdaıdan qutqarýǵa atsalysaıyq», - deıdi ol.


Avtor Zarına Qaharman
Basty sózder: Koronavırýs, Medıtsına, Qoǵam,
Joǵary qaraı