Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Baızaq aýdanynda zaqymdanǵan 71 úıdiń 43-i qalypqa keltirildi

2021 jyldyń 8 qyrkúıek 2021 12:02

TARAZ. QazAqparat – Baızaq aýdanynda oryn alǵan órt pen jarylystan zardap shekkken 71 úıdiń 43-i qalypqa keltirilip úlgerildi, - dep habarlaıdy QazAqparat tilshisi.

Jambyl oblysy Baızaq aýdanynda oryn alǵan oqıǵadan barlyǵy 118 jeke menshik jyljymaıtyn múlik obektisi, onyń ishinde 106 turǵyn úı jáne 12 kommertsııalyq obekt zardap shekti. Onyń ishinde 35 úı men 12 kommertsııalyq nysan aıtarlyqtaı qıraǵan. Búgingi tańda 12 merdigerlik uıym qalpyna keltirý jumystaryn qyzý júrgizýde.

Bul týraly óńirlik kommýnıkatsııalar qyzmeti alańynda ótken brıfıngte Jambyl oblysy ákimdiginiń qurylys basqarmasynyń basshysy Erlan Orynbaev aıtty.

Sondaı-aq, brıfıngke Baızaq aýdany ákiminiń orynbasary Qaırat Ismaıl, «KazNIISA» AQ júıeli taldaý, tótenshe jaǵdaı, seısmıkalyq baqylaý zerthanasynyń basshysy Serik Aldahov ta qatysyp, jýrnalısterdiń suraqtaryna jaýap berdi.

«Baızaq aýdany ákiminiń 28 tamyzdaǵy №114 ókimimen TJ-dan keltirilgen zalaldy anyqtaý úshin komıssııa quryldy. Baızaq aýdanynda TJ kezinde zardap shekken obektilerdi tekserý jáne qalpyna keltirý úshin jergilikti atqarýshy organdar 5 jumys tobyn qurdy. Olardyń quramyna qurylys basqarmasynyń, QazQSǴZI, jobalaý uıymdarynyń qyzmetkerleri jáne tótenshe jaǵdaı qyzmetkerleri tartyldy. Jumys toptary tekserý júrgizdi jáne aqaýly vedomostar qurastyrdy. Nátıjesinde, 8 nysanǵa qorytyndy berildi»,- dedi aýdan ákiminiń orynbasary Qaırat Ismaıl.




Al, oblystyq qurylys basqarmasynyń basshysy Erlan Orynbaevtyń aıtýynsha, jeńil zaqymdanǵan 71 úıdiń búginde 43-i qalypqa keltirildi.

«Zardap shekken 4 áleýmettik nysan boıynsha aýdan basshylyǵy jeke dara toqtalyp ótti. Onyń ishinde aldyn ala derekter boıynsha apatty jaǵdaıda turǵan Jibek joly aýylynyń №5 orta mektebi aıtarlyqtaı zardap shekti. Jer ýchaskesi anyqtalyp, 150 oqý ornyna arnalǵan jańa mektep qurylysyna jobalyq smetalyq qujattaryn ázirleý bastalypty. 3 uıym (Úshbulaq jáne Bazarbaı NSh, Úshbulaq MP) azdap zardap shekken. Onda qalpyna keltirý jumystary demeýshilik qarajat esebinen júrgizilip jatyr. Búginde 12 merdigerlik uıym, 23 tehnıkalyq quraldar men 185 jumysshy qalpyna keltirýge kirisip ketti. Birshama jumystary bel ortasyna kelip qalǵan. Al qurylys jumystary eki aı kóleminde aıaqtalady dep josparlanyp otyr», — dedi Erlan Orynbaev.


Avtor Saıa Sembaı
Basty sózder: Jambyl oblysy, Qurylys,
Joǵary qaraı