Aýa raıy
Astana -20 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Bek Air jolaýshylarǵa 34 mln teńge qaıtarýǵa mindetteldi

2020 jyldyń 29 qazan 2020 16:04

ALMATY. QazAqparat – Almatyda Túrksib aýdandyq soty QR Saýda jáne ıntegratsııa mınıstrliginiń Tutynýshylar quqyǵyn qorǵaý komıtetiniń «Bek Air» AQ áýe kompanııasynyń toqtatylǵan reısteriniń bıletterin qaıtarý týraly aryzyn qanaǵattandyrdy, dep habarlaıdy QazAqparat tilshisi.

Komıtet 535 adamnyń 33,8 mln teńgesin daýlaǵan bolatyn.

Bir kún buryn bolǵan sot otyrysynda prokýror áýe kompanııasynan tutýnyshynyń erkinen tys ushpaı qalǵan reıs bıletteriniń qunyn qaıtarý týraly suraǵan bolatyn.

Bul - komıtettiń áýe kompanııasyna qatysty berip otyrǵan úshinshi aryzy.

Aıta ketý kerek, 16-26 qazanda apellıatsııalyq kollegııa «Bek Air» kompanııasynyń shaǵymyn qanaǵattandyrýsyz qaldyrǵan edi.

Osylaısha ekinshi, úshinshi shaǵymdar zańdy kúshine endi.

Endi qarajatty qaıtarý «QR Atqarý óndirisi men sot oryndaýshylarynyń mártebesi týraly» zańyna sáıkes júzege asyrylady.

«Bek Air» áýe kompanııasynyń jumysyna baılanysty shaǵymdardyń tolastamaýyna oraı komıtet taǵy da tórtinshi ret sotqa júginýi múmkin.

Eske sala ketsek, 2019 jyldyń 27 jeltoqsanynda Almatydan Nur-Sultan qalasyna ushyp shyqqan Bekeır kompanııasynyń ushaǵy radardan joǵalyp ketti.

Keıin 95 jolaýshysy jáne 5 ekıpaj múshesi bar ushaqtyń apatqa ushyraǵany málim boldy.

Ushaq jerge qulaǵan soń syrǵanap baryp áýejaı aýmaǵyna jaqyn tustaǵy aýyl shetindegi eki qabatty úıge soǵylǵan. Saldarynan 12 adam qaza tapty. Osydan keıin Bek Air áýe kompanııasyna tıesili toǵyz Fokker-100 ushaǵynyń qyzmeti toqtatyldy.


Joǵary qaraı