Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Bekire-2021»: Brakonerlik faktilerimen 20 qylmystyq is qozǵaldy

2021 jyldyń 17 sáýir 2021 06:30

NUR-SULTAN. QazAqparat – «Bekire-2021» aktsııasy barysynda zańsyz aýlanǵan 14,6 tonna balyq tárkilenip, 20 qylmystyq is qozǵaldy. Bul týraly QR Ekologııa, geologııa jáne tabıǵı resýrstar mınıstrliginen málim etti, dep habarlaıdy QazAqparat.

30 naýryzda QR Ekologııa, geologııa jáne tabıǵı resýrstar, Іshki ister mınıstrlikteri men QR Ulttyq qaýipsizdik komıteti «Oral-Kaspıı basseıniniń sý aıdyndarynda «Bekire-2021» keń aýqymdy balyq qorǵaý aktsııasyn ótkize bastady.

Aktsııa bastalǵannan beri Jaıyq-Kaspıı oblysaralyq basseındik balyq sharýashylyǵy ınspektsııasynyń ınspektorlary quqyq qorǵaý, tabıǵat qorǵaý organdarynyń jáne QR UQK Shekara qyzmetiniń qyzmetkerlerimen birlesip, tabıǵat qorǵaý zańnamasyn buzýdyń 360 deregin anyqtady. Sonyń nátıjesinde 210 adam ákimshilik jaýapkershilikke tartyldy.

«Sonymen qatar, 33 materıal sot organdaryna joldandy, brakonerlikpen aınalysý jáne sırek kezdesetin, joıylyp ketý qaýpi tóngen balyq túrleriniń zańsyz aınalymy faktileri boıynsha 20 qylmystyq is qozǵaldy. Tártip buzýshylarǵa 3,4 mln teńge aıyppul salyndy.

Zańsyz aınalymnan 14,6 tonna balyq alyndy, onyń ishinde 551,5 kg bekire tuqymdas balyq túrleri bar. Budan bólek, 152 dana aýlaý quraly, 11 avtomobıl jáne 28 sý kóligi tárkilendi.

Ózen arnasy men teńiz akvatorııasyn kúndelikti tekserý nátıjesinde sý qoımalarynan jalpy uzyndyǵy 40 km-ge jýyq 438 birlik zańsyz balyq aýlaý quraldary alyndy», - dedi QR Ekologııa, geologııa jáne tabıǵı resýrstar mınıstrliginiń baspasóz qyzmetinen.

Aktsııa 2021 jyldyń 31 mamyryna deıin jalǵasady.

Basty sózder: Qylmyspen kúres, Brakoner,
Joǵary qaraı