Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Belgııa halyqty vaktsınalaý qarqynyn arttyrýda

2021 jyldyń 11 sáýir 2021 18:54

BRıÝSSELЬ. QazAqparat – Belgııa turǵyndaryna Eýropalyq Odaqta COVID-19-ǵa qarsy qoljetimdi úsh vaktsınanyń 2,3 mıllıonnan astam dozasy egildi, dep habarlaıdy QazAqparatyń menshikti tilshisi.

Belgııanyń vaktsınatsııa boıynsha Maqsatty tobynyń aqparatyna sáıkes, kórsetkish budan da joǵary bolýy múkin. Sebebi «VaccinNet» bazasyna barlyq derekter engizilmegen. 8 sáýirdegi jaǵdaı boıynsha, 2 283 000 doza vaktsına egildi. Taǵy 100 myń doza preparat Belgııa turǵyndaryna jetkizildi, dep habarlady onlaın-baspasóz konferentsııada Maqsatty toptyń basshysy Sabına Storder.

Aýrýlardy aldyn alý jáne baqylaý Eýropalyq ortalyǵynyń (ECDC) deregine saı, vaktsınatsııa qarqynynyń ósip kele jatqanyna oraı Belgııa 18 jáne odan joǵary jastaǵy azamattarǵa kem degende bir ekpe jasalǵan EO-nyń «top-10» (halyqtyń 16,6%-y) eliniń qataryna kirdi.

Budan bólek, kelesi aptadan bastap «Johnson & Johnson» amerıkalyq farmatsevtıkalyq kompanııasynyń vaktsınasy qoljetimdi bolady. Onyń ereksheligi: qaýipti ınfektsııaǵa ımmýnıtet qalyptastyrý úshin bir ǵana ekpe jetkilikti.

EO-da ruqsat etilgen tórtinshi vaktsınanyń alǵashqy partııasy (36 myń) 12 sáýir kúni egile bastaıdy. Taǵy 6 myń doza 26 sáýirden bastap egilmek.

Preparat Pfizer/BioNTech (1,8 mln-nan astam dozasy Belgııaǵa jetkizildi), AstraZeneca (823 myń doza), Moderna (334 myń doza) vaktsınalarymen qatar egiledi.


Joǵary qaraı