Aýa raıy
Astana -18 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Belgııa koronavırýstyń ekinshi tolqynyn eńserýde

2020 jyldyń 22 qarasha 2020 16:43

BRıÝSSELЬ – QazAqparat – Belgııadaǵy «Sciensano» ǵylymı ortalyǵynyń sońǵy málimetterine sáıkes, qalada koronavırýspen syrqattanýdyń barlyq kórsetkishteri tómendeýde, dep habarlaıdy QazAqparat.

11-17 qarasha aralyǵynda orta eseppen 3939 adamda COVID-19 vırýsy anyqtaldy, bul ótken aptadaǵy kórsetkishten 38%-ǵa az. Belgııada pandemııa bastalǵannan beri rastalǵan jaǵdaılardyń jalpy sany 553 680 adamdy quraıdy. Sońǵy eki aptada 100 000 turǵynǵa shaqqanda 623,8 ınfektsııa rastaldy, bul buǵan deıingi eki aptadan 63%-ǵa az.

Aýrýhanaǵa jatqyzý kórsetkishteri 14-20 qarasha aralyǵynda orta eseppen 344,3 patsıentti qurady, bul aldyńǵy kezeńnen 29%-ǵa az. Belgııadaǵy aýrýhanalarda barlyǵy 5418 koronavırýspen aýyratyn naýqas bar. Buǵan deıin Belgııa Úkimeti «qatań lokdaýn» aǵymdaǵy jyldyń 13 jeltoqsanyna deıin uzartylatynyn habarlaǵan bolatyn.

Sonymen qatar, memleket ókilderi Belgııada Jańa jyl qarsańynda karantın sharalaryn aıtarlyqtaı álsiretý týraly aıtýdyń qajeti joq ekenin atap ótti.


Basty sózder: Koronavırýs, Álem,
Joǵary qaraı