Aýa raıy
Astana -8 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Belgııa premer-mınıstrin óltirem dep qorqytqan adam ustaldy

2020 jyldyń 27 qarasha 2020 09:33

BRıÝSSELЬ. QazAqparat – Belgııanyń Lej provıntsııasyndaǵy Varemm aımaǵynyń turǵyny Belgııa premer-mınıstri Aleksandr de Kroony óltiremin dep qorqytqannan keıin qamaýǵa alyndy, dep habarlaıdy QazAqparat menshikti tilshisi.

«Men gazetterdiń basty betine shyǵamyn. Muny jalǵyz jasamaımyn. Men seni kútemin, De Kroo», - dep jazǵan belgisiz er adam Belgııa premer-mınıstriniń elektrondy poshtasyna.

Belgııalyq BAQ-tyń habarlaýynsha, er adamdy federaldy polıtsııanyń terrorızmge qarsy bólimi dereý ustaǵan. Quqyq qorǵaý organdary onyń kásipker ekenin anyqtady. Ustalǵan adamnyń bıznesine eldegi qabyldanǵan shekteý sharalary keri áserin tıgizgen.

Mınıstrler kabıneti basshysyna jazǵan hatynda er adam onyń kompanııasyn qurdymǵa ketirgen koronavırýspen kúres sharalaryna shaǵymdanǵan. Sondaı-aq ol kóptegen adamnyń atalǵan talaptardy saqtamaıtynyn jazǵan. Hatty ashýlanyp joǵaryda kórsetilgendeı qoqan-loqqylarmen aıaqtaǵan.

Osy áreketinen keıin kásipkerdi qaýipsizdik qyzmetkerleri óz úıinde tutqyndady.

Eske sala keteıik, qazirgi ýaqytta Belgııada pandemııanyń «ekinshi tolqynyn» toqtatýǵa arnalǵan qatań shekteýler bar. Azyq-túlikten basqa dúkender jabyldy, kásiporyndardyń kópshiligine qashyqtan jumys isteý týraly nusqaý berildi.

Erteń Belgııa Úkimeti «lokdaýnǵa» qatysty qazirgi jaǵdaıdy qarastyratyn otyrys ótkizedi jáne keıbir shekteýlerdi «jeńildetý» týraly sheshim qabyldanýy múmkin.


Basty sózder: Álem, Eýropa,
Joǵary qaraı