Aýa raıy
Astana -22 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Belgııada koronavırýsqa qarsy kúres sharalary kúsheıtilýde

2020 jyldyń 31 qazan 2020 12:09

BRıÝSSELЬ. QazAqparat - Búgin Belgııa bıligi koronavırýs ınfektsııasymen aýyratyndar sanynyń ósýine baılanysty karantındik sharalardy qatańdatý týraly sheshim qabyldady, dep habarlaıdy QazAqparat.

Jańa sharalar 2 qarashadan bastap kúshine enedi jáne aǵymdaǵy jyldyń 13 jeltoqsanyna deıin kúshinde qalady. Belgııa turǵyndaryna úıde bir ǵana adamdy qabyldaýǵa ruqsat etiledi, ol jaqyn týysy bolǵan jaǵdaıda ǵana. Jalǵyz basty adamdar eki adamdy qabyldaı alady, biraq áleýmettik ara qashyqtyqty saqtaý kerek.

Azyq-túlik dúkenderinen basqa barlyq dúkender jumysyn toqtatady. Sulýlyq salondary da jumystaryn toqtatady. Belgııa mektepterindegi kúzgi demalys 13 qarashaǵa deıin sozylady.

Qashyqtyqtan jumys isteý barlyq qyzmetkerler úshin mindetti bolmaq. Qonaq úılerdegi meıramhanalar men barlar jabyq bolady, bólmede ǵana tamaqtanýǵa ruqsat. Jerleý rásimine 15-ten artyq adam qatysa almaıdy. Ultqa beıneúndeýinde Belgııa premer-mınıstri Aleksandr de Kroo koronavırýspen kúreste birlese jumys isteýdiń mańyzdylyǵyn atap ótti.

«Elimizdegi jaǵdaı óte qıyn», - dedi A.Kroo, búkil el boıynsha vırýs juqtyrǵandar men ólim kórsetkishteriniń ósýine nazar aýdara otyryp.

Belgııanyń Mınıstrler kabıneti basshysynyń aıtýynsha, búgingi tańda birinshi jáne jalǵyz basymdyq - dárigerlerge kómek kórsetý jáne jaǵdaıdy ózgertý.

«Vırýstyń ósýi toqtaýy kerek», - dedi Belgııa premer-mınıstri.

Sondaı-aq vırýstyń adamdardy jas nemese kári dep tanymaıtynyn eskerte kele, ásirese jastardy karantın sharalaryn saqtaýǵa shaqyrdy.

«24 jastaǵy adamnyń ómiri biz úshin 74 jastan góri qymbat bolǵandyqtan emes, kóptegen jastar bul vırýs olarǵa áser etpeıdi dep oılaıdy. «Altyn erejeler» bizde bar eń mańyzdy qarý bolyp qala beredi», - dep De Kroo erejelerdiń saqtalatynyn meńzedi. Sondaı-aq ol arqany keńge salý problemalardy odan saıyn ýshyqtyratynyn jetkizdi.

Belgııa koronavırýs juqtyrǵandar sany boıynsha 23-shi orynda.

29 qazanda bul elde 368 337 myń adam tirkelse, 11170 adam qaıtys bolǵan. ıAǵnı ólim-jitim 3,03% paıyzdy qurap otyr. Tolyqtaı 23 969 adam jazylyp shyqqan.


Arnur Rahymbekov

Basty sózder: Medıtsına, Koronavırýs, Álem,
Joǵary qaraı