Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Belgııada koronavırýstyń «brıtandyq» shtamy tarap jatyr

2021 jyldyń 18 qańtar 2021 09:10

BRıÝSSELЬ. QazAqparat – Batys Flandrııa (Belgııa) aýdanyndaǵy Haýthýlst jerinde COVID-19-dyń brıtandyq shtamy taralýda.

Munda 128 adam vırýstyń mýtatsııalanǵan túrin juqtyrǵan. Olardyń 63-i qarttar úıiniń turǵyny, dep habarlaıdy QazAqparat menshikti tilshisi.

Qazirgi ýaqytta Belgııada koronavırýstyń brıtandyq shtammyn juqtyrý jaǵdaılarynyń jalpy sany az, biraq bul san sózsiz artady, dep málimdedi jeksenbide belgııalyq vırýsolog Mark van Ranst.

«Jańa jyldan bastap olardyń sany ósýde. Biz brıtandyq shtamdy juqtyrýshylardyń kóbeıgenin baıqap otyrmyz. Rojdestvo merekelerinen keıin elge saıahatshylardyń kelýi onyń taralýyna yqpal etken bolýy múmkin. Aldaǵy ýaqytta jaǵdaıdyń qalaı damıtynyn kóreıik», - dedi M.Ranst.

Vırýsolog brıtandyq shtamǵa mán berý qajet dep sanaıdy.

«Osy ártúrli shtamdardy anyqtaý óte mańyzdy. Aýrýdyń aýyrlyǵy ózgerissiz qalsa da, nazar aýdarý kerek. Sondyqtan COVID-19-ǵa qatysty sharalardy, onyń ishinde brıtandyq shtammmen kúreste atalǵan talaptardy saqtaý mańyzdy. Sonymen qatar, bólmelerdi durys jeldetý de mańyzdy», - dep keńes berdi belgııalyq maman.


Avtory: Arnur Rahymbekov
Basty sózder: Álem, Medıtsına,
Joǵary qaraı