Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Belgııalyq maman COVID-19 vaktsınasyn mindetteýdi qoldady

2021 jyldyń 29 shilde 2021 16:52

BRıÝSSELЬ. QazAqparat – Koronavırýsqa qarsy vaktsına alý mindetti bolýy kerek nemese tıisti sertıfıkatpen yntalandyrylýy qajet. Brıýssel ýnıversıteti aýrýhanasynyń (UZ Brussel) bas dırektory Mark Noppen belgııalyq BAQ-qa osyndaı pikir bildirdi, dep habarlaıdy QazAqparat.

Onyń pikirinshe, mundaı shara halyqty COVID-19-ǵa qarsy vaktsınalaý qarqynyn arttyrý úshin engizilýi kerek.

«Brussels times» gazetine bergen suhbatynda belgııalyq maman M. Noppen Brıýsselde vaktsınamen qamtý qalanyń basqa bólikterine qaraǵanda áldeqaıda tómen ekenin atap ótti. Onyń aıtýynsha, astanada vaktsınalaýdy keńinen qamtý ońaı emes. Muny Belgııa bıliginiń kóptegen bastamasy kórsetip otyr.

«Brıýsseldegi vaktsınalaý kórsetkishterimiz London, Parıj, Amsterdam nemese Rotterdam kórsetkishterimen birdeı», – dedi M.Noppen.

Onyń pikirinshe, bul shyn máninde astanalyq fenomen ǵana.

«Problemanyń kóp bóligi – adamdar tobyna Covid-19 vaktsınalary tıimdi jáne qaýipsiz ekeni týraly aqparat berilmeıtindiginde nemese durys habary joq. Biz qoǵamdy durys habardar etýimiz kerek», – dedi M.Noppen.

M. Noppen medıtsınalyq qyzmetkerlerdi mindetti túrde vaktsınalaýdy jaqtaıdy.

«Alaıda Brıýsseldegi naýqastarǵa kútim kórsetý ortalyqtaryndaǵy vaktsınalaýdyń qazirgi deńgeıi áli de 50%-dan tómen, bul mekemelerge kelýshiler úshin qaýip tóndiredi. Biz buǵan shydaı almaımyz», – dedi maman.

«Qandaı da bir sebeptermen vaktsına túbegeıli qarsy turatyn adamdar toby bar. Olardy eshqandaı utymdy dáleldermen sendire almaısyń», – deıdi M.Noppen.

Osylardy aıta kele ol eki baǵyttyń taktıkasyn qoldaıdy: vaktsına alýdy mindetti etý nemese vaktsınadan ótýdi qalaıtyndarǵa sertıfıkattar bere otyryp yntalandyrý.

«Antı-vakserlerdi aıamaımyz», – qorytyndylady sózin Belgııa ýnıversıtetiniń ǵalymy.


Avtory Arnur Raqymbekov


Joǵary qaraı