Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Belarýske eksporttalatyn munaı kólemi Qazaqstannyń múmkindigine saı belgilenedi -mınıstr

2022 jyldyń 3 mamyr 2022 16:16

NUR-SULTAN. QazAqparat – Belarýspen aradaǵy munaı jáne munaı ónimderi salasyndaǵy kez kelgen qarym-qatynastar ekijaqty sharttar boıynsha iske asyrylady. Bul týraly elordada Energetıka mınıstri Bolat Aqsholaqov aıtty, dep habarlaıdy QazAqparat tilshisi.

Búgin elordada «Halyqtyń tabysyn arttyrýdyń 2025 jylǵa deıingi baǵdarlamasy» keshendi josparyna arnalǵan jıynnan keıin tilshiler mınıstrden Belarýs eline munaı ónimderin jetkizýge qatysty suraq qoıdy.

«Eýrazııalyq ekonomıkalyq odaq aıasynda 2025 jyldan bastap munaı men munaı ónimderiniń biryńǵaı naryǵy josparlanǵan. Osyǵan deıin EAEO múshelerimen munaı jáne munaı ónimderi salasyndaǵy kez kelgen qatystar ekijaqty sharttar boıynsha iske asyrylady. Bul qujattar ratıfıkatsııaǵa jatady. Sondyqtan munaı men munaı ónimderin jetkizý týraly Belarýspen aradaǵy shart kólemdi emes, jumys ustanymdaryn aıqyndaıdy. Ónim kólemi jyl saıyn bekitiledi, ıaǵnı Belarýstiń qajettiligi men Qazaqstannyń múmkindigin eskere otyryp belgilenedi», - dedi B. Aqsholaqov.

Osy oraıda ol munaı boıynsha tehnıkalyq múmkindikter burynnan bar ekenin, al munaı ónimderi boıynsha temirjol tasymaly bar ekenin eske saldy.

«Qujattarǵa qol qoıylǵannan keıin, eki eldiń jaýapty mınıstrlikteri jumystaryn bastaıdy. Belarýs jyl saıyn 20-22 mln tonna munaıdy ıgeredi. Bul rette bes iri zaýyt bar, olar keńestik kezeńde salynǵan edi. Belarýste sapasy joǵary munaı ónimderi shyǵarylady, eýropalyq standarttarǵa saı keledi. Sondyqtan bul eldiń aýmaǵynan eksportqa shyǵaryp keledi. EAEO aıasynda ónimderdi keri eksporttamaı, qajettilikterdi jabý maqsatynda jetkizý máselesi kóterilip otyr», - dedi mınıstr.

«Tarıhı turǵyda munaıdyń osyndaı kólemi (Belarýske) Reseıden jetkiziletin. Osy oraıda olardyń kórshilik jaqyndyǵy eskerilgen edi, ekinshiden, RF-tiń munaı óndirý kólemi Qazaqstanǵa qaraǵanda aıtarlyqtaı joǵary», - dedi B. Aqsholaqov.

Budan buryn habarlanǵandaı, QR Energetıka mınıstri Kaspıı qubyr jelisi konsortsıýmy tolyq kóleminde jumys istep turǵanyn aıtty.


Joǵary qaraı