Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Belarýs Mádenıet mınıstri Qazaqstandaǵy belarýs etnosyna jasalyp otyrǵan qoldaýǵa alǵysyn bildirdi

2021 jyldyń 4 qazan 2021 12:40

NUR-SULTAN. QazAqparat - Elordada belarýs etnosynyń ókilderi Belarýs Respýblıkasynyń Mádenıet mınıstri Anatolıı Markevıchpen kezdesti, dep habarlaıdy QazAqparat.

Esterińizge sala keteıik, 2021 jyldyń 1-3 qazanynda astanada Belarýs Respýblıkasynyń Qazaqstandaǵy Mádenıet kúnderi ótti.

Belarýstiń Mádenıet mınıstri elimizdegi belarýs etnomádenı birlestikteriniń damýyn joǵary baǵalap, Qazaqstan Úkimeti men Qazaqstan halqy Assambleıasyna jasap otyrǵan qoldaýy úshin alǵysyn bildirdi. Sonymen qatar, ol óńirlerdiń ákimdikteri etnıkalyq birlestiktermen úlken jumys júrgizip jatqandyǵyn aıta otyra, eki elde de odan ári jemisti yntymaqtastyq pen mádenıetaralyq kommýnıkatsııalardyń nyǵaıa beretinine senim bildirdi.

Anatolıı Markevıchtiń pikirinshe, Qazaqstan halqy Assambleıasy qazaqstandyqtardyń birligin saqtaý men damytýdaǵy biregeı ınstıtýt bolyp tabylady. Belarýs eliniń Mádenıet mınıstri óz sózinde mádenı murany, halyq dástúrlerin saqtaý, halyqaralyq yntymaqtastyq jónindegi memlekettik saıasat máselelerine toqtaldy.

Іs-sharaǵa QR Aqparat jáne qoǵamdyq damý mınıstrliginiń Etnosaralyq qatynastardy damytý komıteti tóraǵasynyń orynbasary Erkin Úısimbaev, elimizdiń belarýs etnomádenı birlestikteri, BAQ ókilderi, sondaı-aq Belarýs Respýblıkasynyń Qazaqstan Respýblıkasyndaǵy Tótenshe jáne Ókiletti Elshisi Pavel Ýtıýpın qatysty.

QR Aqparat jáne qoǵamdyq damý mınıstrliginiń atynan Erkin Úısimbaev Belarýs Respýblıkasynyń Mádenıet mınıstrligine «Qazaqstan etnostarynyń mýzykalyq murasy» antologııasyn syıǵa tartty.

Basty sózder: Mádenıet, Belarýs,
Joǵary qaraı