Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Belarýs pen Polsha shekarasyndaǵy bosqyndar: BUU gýmanıtarlyq jaǵdaıdy retteý jolyn usyndy

2021 jyldyń 13 qarasha 2021 02:31

MINSK. QazAqparat – Polshamen shekaranyń Belarýs eli jaǵynda 2 myńǵa jýyq bosqyn jınaldy. Olar onda 8 qarashadan beri stıhııalyq lagerlerde turyp jatyr. Aralarynda áıelder men balalar kóp. Beısenbi kúni Kóshi-qon jónindegi halyqaralyq uıym (KHU) jáne BUU-nyń Belarýs Respýblıkasyndaǵy Bosqyndar isteri jónindegi basqarmasy lagerge bardy: balalar men áıelderge gıgıena zattary, azyq-túlik jetkizildi. Aldaǵy taıaý kúnderi Qyzyl Krestiń belarýstyq qoǵamy olarǵa kórpeler, balalarǵa jyly kıimder, qolǵaptar, bas kıimder men aıaq kıim alyp barady. QazAqparat bul týraly BUU Jańalyqtar ortalyǵyna silteme jasap habarlaıdy.

«Bul rasymen de, shuǵyl kómek. Sebebi basty basymdyq – adamdardyń ólimin toqtatý, sondaı-aq árbir adamnyń naqty jaǵdaıyn jáne qajettiligin eskere otyryp sheshim tabý múmkindigi bolatyndaı, olardy qajetti kómek kórsetilýi múmkin qaýipsiz jerlerge jetkizý úshin bılikpen jumysty retke keltirý kerek», - delingen KHU málimdemesinde.

Aqparatqa sáıkes, stıhııalyq lagerde tipti ýaqytsha turýǵa da bolmaıdy. Onda tamaq, sý, medıtsınalyq kómek joq. Aýa raıy da sýytty. Kóptegen bosqyn mundaı jaǵdaıdy kótere almaýy múmkin.

Kóshi-qon jónindegi halyqaralyq uıymnyń baspasóz hatshysy Safa Msehlıdiń aıtýynsha, Belarýs jáne Polsha arasyndaǵy shekarada ornalasqan bosqyndardyń kem degende 50 paıyzyn áıelder men balalar quraıdy.

Adamdar quqyǵy jónindegi Joǵarǵy komıssar basqarmasynyń baspasóz hatshysy Lız Trossel de lagerdegi jaǵdaı adam kóngisiz ekenin rastap, halyqaralyq zańnamaǵa sáıkes, bul adamdarǵa syılastyqpen qaraý qajettigin atap ótti.

«Saıası aspektige keler bolsaq, muny máseleni sheshe alatyndardyń enshisine qaldyrar edim», - dedi ol.

KHU jáne BUU-nyń Belarýs Respýblıkasyndaǵy Bosqyndar isteri jónindegi basqarmasynyń ókilderi bosqyndarmen sóılesip, tyǵyryqtan shyǵýdyń yqtımal joldarynan aqparat usyndy. Atap aıtqanda, halyqaralyq qorǵaýǵa muqtajdar Belarýsta pana suraı alady. Onymen qosa, pana izdegen jekelegen tulǵalar men bosqyndarda qonys aýdarýǵa negizdi sebep bolýy múmkin – Eýropalyq odaqta týysqandary bolsa, otbasymen qaýyshy maqsaty. Taǵy bir varıant otanyna óz erkimen oralýǵa kómek kórsetý jáne reıntegratsııa baǵdarlamasy. Ol boıynsha óz erkimen jáne qaýipsiz jaǵdaıda úılerine orala alady.


Joǵary qaraı