Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Belarýsta koronavırýstyń jańa shtamy tirkeldi

2021 jyldyń 24 qazan 2021 12:43

MINSK. BELTA-QazAqparat – Belarýste koronavırýstyń jańa shtamy tirkeldi. Bul týraly Belarýs Respýblıkasynyń Densaýlyq saqtaý mınıstriniń orynbasary – bas sanıtarlyq dáriger Aleksandr Tarasenko «Belarýs 1» telearnasynda málim etti, dep habarlaıdy QazAqparat Belta agenttigine silteme jasap.

«Qazirgi kezde kóbine delta-shtamm anyqtalyp jatyr, alaıda qyrkúıektiń basynan beri biz vırýstyń delta laıt shtamyn baıqaı bastadyq. Ázirge ekeýiniń arasynda qatty aıyrmashylyqty kórmedik, ondaı jaǵdaılar az», - dedi Aleksandr Tarasenko.

Densaýlyq saqtaý mınıstriniń aıtýynsha, vırýs adamnan adamǵa burynǵydan da tezirek juǵady.

«Buryn vırýs 15 mınýt jáne odan kóp ýaqyt ishinde juǵatynyn aıtqan edik, jańa shtammdy juqtyrý úshin aýyrǵan adamnyń qasynda eki mınýt qalý da jetkilikti», - dedi ol.

Odan bólek, kóbine atalǵan dertke kóbine 30-49 jas aralyǵyndaǵy jastar shaldyǵyp jatyr.

«Mınskide, basqa óńirlerge qaraǵanda, vırýs juqtyryp jatqandardyń basym bóligi – 18-29 jastaǵy azamattar», - dep qosty Aleksandr Tarasenko.

Aýrýdyń klınıkalyq kórinisinde aıyrmashylyqtar bar. Atap aıtqanda, buryn aýrýdyń aýyr kezi 7-8-shi kún bolsa, qazir ol 3-4-shi kúnge keledi.

«Delta-shtamm báribir aýrýǵa ózgerister engizip jatyr», - dep naqtylady Tarasenko.


Basty sózder: Medıtsına, Belarýs, Koronavırýs, Álem,
Joǵary qaraı