Aýa raıy
Astana -23 °S
Almaty -8 °S
valıýta baǵamy
USD 421.58
EUR 496.83
RUB 5.53
CNY 62.20

Belgili jýrnalıst, jazýshy Bısultan Amanǵalıev ómirden ozdy

2020 jyldyń 6 tamyz 2020 09:55

ALMATY. QazAqparat– Soǵys ardageri, QazTAG qalamgeri Bısultan Amanǵalıev 95 jasqa qaraǵan shaǵynda dúnıeden ozdy, dep habarlaıdy QazAqparat tilshisi.

Ardager, belgili jýrnalıst, jazýshy Bısultan Amanǵalıev QazTAG aýdarma keńsesinde 1954 jyldan 1990 jylǵa deıin jumys istedi. Ol KSRO Jýrnalıster odaǵynyń múshesi. QazTAG-qa deıin Bısultan Amanǵalıev «Qazaqstan pıoneri» jáne «Sotsıalıstik Qazaqstan» gazetterinde qalamyn ushtady. Eńbek jolyn aýdarmashy bolýdan bastaǵan ol, aýdarma bóliminiń redaktory, bas redaktordyń orynbasary, respýblıkalyq, búkilodaqtyq jáne sheteldik aqparat redaktsııasyn basqardy.

Ol QazTAG-tyń maıtalman mamany, elimizdegi bilikti aýdarmashy retinde arnaıy aldyrylyp, KSRO Joǵarǵy Keńesi sessııalarynda stenografııalyq ilespe aýdarma jasaý úshin birneshe ret Máskeýde de bolǵan. Ásirese, 1969 jyly Máskeýdegi Kremldiń Sezder saraıynda ІІІ-Búkilodaqtyq kolhozshylar sezinde tikeleı ilespe aýdarma jasaǵan.

Bısultan Amanǵalıev Ýkraına, Polsha, Chehoslovakııa, Vengrııany azat etýge qatysty. Áskerdiń barlyq úsh salasynda qyzmet etti. Ol Qazaqstanǵa 1945 jyldyń qarashasynda ǵana oraldy.

Bısultan Amanǵalıev soǵys jáne beıbit ýaqyttaǵy «Qurmet» ordenimen, Halyqtar dostyǵy, Qyzyl Juldyz, Jeńis ordenderimen marapattalǵan. Ardager qalamger 1925 jyly 24 jeltoqsanda qazirgi Batys Qazaqstan oblysyny, Kaztalov aýdanynda dúnıege kelgen bolatyn.

«QazAqparat» ujymy Bısultan Amanǵalıevtiń týǵan-týystaryna kóńil aıtady.

Buǵan deıin, QazAqparat aradageri Bısultan Amanǵalıevtyń ómiri týraly jazǵan bolatynbyz.


Avtor Alma Muqanova
Basty sózder: Oqıǵa, Qoǵam,
Joǵary qaraı