Aýa raıy
Astana 26 °S
Almaty 26 °S
valıýta baǵamy
USD 385.42
EUR 424.58
RUB 6.00
CNY 54.31

Berdibek Saparbaev: AÁK alyp otyrǵandardyń 58% – aýyl halqy

2019 jyldyń 23 tamyz 2019 15:47

NUR-SULTAN. QazAqparat – Premer-Mınıstrdiń orynbasary Berdibek Saparbaev halyqtyń ál-aýqatyn arttyrý baǵytyndaǵy sharalara qalaı júrgizilip jatqanyn aıtyp berdi, dep habarlaıdy QazAqparat tilshisi.

Elbasy Nursultan Nazarbaevtyń « Nur Otan » partııasynyń Saıası keńesi Bıýrosynyń otyrysynda júktegen tapsyrmalary týraly sóz qozǵaǵan Berdibek Saparbaev qandaı baǵyttaǵy áleýmettik sharalarǵa nazar aýdarylyp otyrǵanyn atap ótti.

«Elbasynyń, Memleket basshysynyń tapsyrmalaryn, baǵyt-baǵdarlaryn oryndaý maqsatynda Úkimet qazirgi tańda tıisti is-sharalardy qabyldady. Úkimettiń eń negizgi mindeti – qazaqstandyqtardyń turmysyn jaqsartý, ál-aýqatyn arttyrý. Ózderińiz biletindeı, qazaqstandyqtardyń jalaqysy osy jyly eki ese ósti. Jalpy, 3 mln qazaqstandyqtyń jalaqysy 15-ten 30 paıyzǵa deıin kóbeıtildi. Eń úlken berilgen tapsyrma – qazaqstandyqtardy jumyspen qamtý, jańa jumys oryndaryn ashý. Qazirgi bizdiń memleketimizde júzege asyry l yp jatqan 14 memlekettik baǵdarlama arqyly biz osy tapsyrmalardy oryndaý baǵytynda jumys júrgizip jatyrmyz», - dedi vıtse-premer Úkimettiń baspasóz ortalyǵynda.

Berdibek Saparbaevtyń aıtýynsha, bıylǵy tapsyrma boıynsha elimizde kem degende 373 myń jańa jumys orny ashylý kerek.

«Kórip otyrǵandaryńyzdaı, 7 aıdyń qorytyndysy boıynsha ol tapsyrma 60 paıyzǵa oryndaldy. Onyń ishinde 150 myńnan astamy – naqty jumystar. Oǵan qosymsha qazirgi tańda suranys joq mamandyq ıelerine suranysqa ıe bolǵan mamandyqty oqytý úshin qysqa merzimdegi kýrstar uıymdastyrylǵan. Sizder bilesizder , memleketimizde «Eńbek» baǵdarlamasy sheńberinde «Bastaý», «Jas maman», «Jas kásipker» jobalar y júzege asy ryly p jatyr. Mıkronesıelik granttar, oǵan qosymsha Elbasynyń áleýmettik qamqorlyq sharalaryna sáıkes, qosymsha taǵy 15 myń grant berildi. Sonyń nátıjesinde jastar ózderiniń kásipterin ashyp, turmystaryn jaqsartty», - dedi Berdibek Saparbaev.

Premer- M ınıstrdiń orynbasary osy sharalardy júzege asyrý úshin sońǵy naqtyl an ǵan bıýdjet boıynsha 32 mlrd teńge bólin genin atap ótti.

«Qazirge deıin 341 myńnan astam otbasy nemese 1 mln 800 myń qazaqstandyq ataýly áleýmettik kómekpen qamtyldy. Respýblıkalyq bıýdjetten bul baǵytta 103 mlrd teńge bólindi. Ataýly áleýmettik kómekti alyp otyrǵandardyń 58 paıyzy – aýyl halqy. Aýyl adamdary qosymsha 83 myń adam ózderine kerekti malyn, tehnıkasyn satyp alýǵa múmkindik aldy. Jalpy, AÁK arqasynda otbasylardyń tabysy eki ese ósti», - dedi ol.

Joǵary qaraı