Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Berdibek Saparbaev: Balalar óz ólkesiniń tarıhyn bilip ósýi kerek

2021 jyldyń 14 maýsym 2021 21:44

TARAZ. QazAqparat – Jýaly aýdanyndaǵy «Kóksaı» etnotýrıstik kesheninde ótken kezdesýde Jambyl oblysyndaǵy týrızm sektorynyń áleýeti jáne ony damytýǵa qatysty mindetter saralandy, dep habarlaıdy QazAqparat tilshisi.

Sharaǵa Jambyl oblysynyń ákimi Berdibek Saparbaev, memlekettik jáne týrıstik uıymdardyń ókilderi qatysty.

Týrızm basqarmasynyń basshysy Jalǵas Murtaza óz baıandamasynda pandemııa kezinde týrızm ekonomıkanyń eń kóp zardap shekken salalarynyń biri bolǵanyn atap ótti.

Ol týrıstik bıznes ókilderin aımaqtaǵy týrıstik ahýaldy jaqsartý jolynda birlesip jumys isteýge shaqyrdy.

«Oblysymyzda jyl saıyn jańa tarıhı, mádenı jáne týrıstik oryndar ashylýda. Mysaly, biz qazir turǵan «Kóksaı» etno-týrıstik kesheni solardyń biri. Osyǵan oraı týrıstik marshrýttardy jańartý týraly sheshim qabyldandy», - dedi ol.





Spıkerdiń aıtýynsha, jaqyn arada oblystyń negizgi týrıstik nysandary «Google maps», «Google earth» kartalaryna qosylmaq.

Búginde memlekettik lıtsenzııasy joq, attestatsııadan ótpegen gıdtermen, týrıstik qyzmet kórsetetin zańsyz ekskýrsovodtarmen jáne týr uıymdastyrýshylarmen kúres júrgizilýde. Osyndaı buzýshylyqtardyń aldyn-alý boıynsha arnaıy jumys toby qurylǵan.

Jalǵas Murtaza óńirdegi tarıhı-mádenı týrızimnen bólek, balalar men jasóspirimder týrızmin damytýǵa da erekshe kóńil bólinip jatqanyn atap ótti.

«Búgingi tańda oblys ortalyǵynda jas týrıster stantsııasyn ashý máselesi ózekti kúıinde qalyp otyr. Bul máseleni sheshýge tek týrızm basqarmasy ǵana emes, basqa da memlekettik organdar, týrıstik bıznes ókilderi de atsalysýy kerek»,-dedi J.Murtaza.

Kezdesýge qatysýshylar taqyrypqa qatysty oramdy oılarymen bólisip, túrli usynystaryn ortaǵa saldy.

«Jambyl Servıs» JShS dırektory Valerııa Baýteva balalar men jasóspirimder týrızmin damytýǵa jan-jaqty qoldaý qajet dep sanaıdy. Ol oblys ákimdigi janynan jaýapty organdardyń qyzmetin úılestiretin keńes qurýdy usyndy.


Al, «Ark» JShS dırektory Eskendir Tórbekov te mańyzdy máselelege nazar aýdartyp, ishki týrızmdi damytýdyń óńirlik baǵdarlamasyn jasaý, ǵylymı-zertteý jumystaryna jergilikti bıýdjetten aqsha qarastyrý qajettigin alǵa tartty.

Berdibek Saparbaev barlyq usynystardy qoldap, jaýapty tulǵalarǵa tıisti tapsyrmalar júktedi.

«Taraz qalasy – Uly Jibek jolyndaǵy eń kóne qalalardyń biri. Munda týrıstik klasterdi damytýǵa barlyq jaǵdaı barshylyq, ony tek utymdy uqsata bilý kerek. Bul oraıda memlekettik organdar men qoǵamdyq uıymdar birlesip jumys istegeni abzal. Patrıottyq tárbıe berýde joǵary rólge ıe jasóspirimder týrızimin damytý qajet. Balalar óz ólkesiniń tarıhyn bilip ósýi tıis. Bul iske bilikti mamandardy tartý – asa mańyzdy», - dedi oblys ákimi.

Berdibek Saparbaev kásibı kadrlardy daıarlaý máselelerine toqtalyp, týrısterge oblys týraly jan-jaqty aqparat bere otyryp, óńirde qajetti kólik-logıstıkalyq ınfraqurylymyn qurýdyń mańyzyn tilge tıek etti.








Avtor Saıa Sembaı
Basty sózder: Aımaq, Ákimdik, Ákim, Jambyl oblysy,
Joǵary qaraı