Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Berdibek Saparbaev  gaz, benzın, azyq-túlik baǵalaryn tekserdi

2022 jyldyń 10 qańtar 2022 13:06

TARAZ. QazAqparat - Jambyl oblysynyń ákimi Berdibek Saparbaev Taraz qalasyndaǵy janar-jaǵarmaı quıý beketin, kommýnaldyq nysandardy, iri sýpermarket pen áleýmettik dúkenderdi aralap, baǵa turaqtylyǵyn tekserdi, dep habarlaıdy QazAqparat.

Aımaq basshysy aldymen Jambyl dańǵyly-Nıetqalıev kósheleri qıylysyndaǵy «Kazakh Oil» janar-jaǵarmaı quıý beketinde bolyp, benzın, dızel otyndarynyń baǵasymen, bekettiń jumysymen tanysty.

Beket qalypty rejımde jumys isteýde. Munda benzın (92) –179, (95) –208, dızel –230 teńgeden satylýda. Al, qala boıynsha gaz – 60, aýdandarda – 65 teńgeden ótkerilýde.

Oblys ákimi Memleket basshysynyń tapsyrmasy boıynsha gaz, benzın, dızel baǵalary rettelgenin, ony negizsiz ósirýge jol berilmeıtinin atap ótti. Sondaı-aq, Berdibek Saparbaev jaýapty tulǵalarǵa uzyn-sonar kezektiń týyndamasy úshin janar-jaǵarmaı quıý beketteriniń úzdiksiz jumysyn qamtamasyz etýdi tapsyrdy.

Kelesi kezekte aımaq basshysy «Smart» iri saýda ortalyǵyna, áleýmettik dúkenge bardy. Shtattyq rejımde jumys istep otyrǵan dúkenderde azyq-túlik qory jetkilikti. Áleýmettik mańyzy bar ónimderdiń baǵalary da shekti deńgeıden aspaıdy.

- Osyndaı kezeńdi paıdalanyp baǵany kóterip jiberetinder de kezdesedi. Biz ondaıǵa jol bermeýge tıispiz. Áleýmettik mańyzy bar azyq-túlik baǵalaryn negizsiz kóterilýine qatysty derekter anyqtalatyn bolsa, onda qatań sharalar qoldanatyn bolamyz,-dedi oblys ákimi.

Budan soń Berdibek Saparbaev «Jambyl sý» KMK, «TarazEnergoOrtalyq» AQ jumysymen, «Jambyl Jaryq Saýda – 2030» JShS-niń jumysymen tanysty. Barlyǵy shtattyq rejımde jumys isteýde. Turǵyndardan shaǵym túspegen.


Joǵary qaraı