Aýa raıy
Astana 2 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Berdibek Saparbaev qaıyrymdylyq qor basshylaryn birlese jumys isteýge shaqyrdy

2020 jyldyń 26 qyrkúıek 2020 09:09

TARAZ. QazAqparat – Jambyl oblysynyń ákimi Berdibek Saparbaev respýblıkalyq qaıyrymdylyq qoǵamdyq birlestikteriniń basshylarymen onlaın-kezdesýde olardy áleýmettik mańyzdy máselelerdi sheshý jolynda birlese jumys isteýge shaqyrdy, dep habarlaıdy QazAqparat tilshisi.

Berdibek Saparbaev Táýelsizdik jyldary ÚEU jergilikti atqarýshy organdarmen syndarly dıalog tájirıbesin jınaqtap, qıyndyqtardy birge eńserip kele jatqanyn atap ótti. Bul jolda kúsh-jigeri pen ýaqyttaryn sarp etip, aıanbaı ter tógip júrgen olarǵa alǵysyn bildirdi.

«Úkimettik emes uıymdar – halyq pen memleket arasyndaǵy berik biriktirýshi býyn bolyp tabylady. Qoǵam belsendileri bizge kezdesetin kedergilerdi anyqtaýǵa, qatelikterdi joıýǵa kómektesýde. Sondaı-aq, áleýmettik jobalar tabysty iske asyrylýda, áleýmettik mindetter sheshilýde. Azamattyq sektormen ózara is -qımyldy odan ári damytý qajet», - dedi oblys ákimi.

Kezdesýge qatysýshylar azamattyq bastamalar memleket tarapynan qoldaý

taýyp otyrǵandyǵyn jetkizdi.





Qazaqstan Respýblıkasynyń Tuńǵysh Prezıdenti – Elbasy qorynyń bastamasymen iske asyrylǵan «Qamqorlyq» erekshe qajettilikteri bar balalarǵa kómek kórsetý jobasyna sáıkes Taraz qalasyndaǵy oblystyq kópbeıindi balalar aýrýhanasy men №9 jáne №35 orta mektepterde ınklıýzııany qoldaý kabınetteri salynýda.





«Qasıetti jol» qorynyń teń quryltaıshysy Dınara Zakıeva jobanyń ekinshi kezeńine daıyndyq barysy týraly baıandady, onyń aıasynda aýyldarda ońaltý ortalyqtary salynbaq. Aımaq basshysy ıgi isten Jambyl oblysy da shet qalmaıtyndyǵyna sendirdi.

«DARA» qaıyrymdylyq qory men «Samruk-Kazyna Trust» áleýmettik jobalardy damytý qorynyń qoldaýymen №20 orta mektebinde psıhologııalyq-pedagogıkalyq túzetý ortalyǵy ashyldy.

Aǵymdaǵy jyly Tarazda «DARA» qorynyń kómegimen ashyq aýada ınklıýzıvti balalar oıyn alańy ornatyldy. Qordaı aýdanyndaǵy psıhologııalyq-pedagogıkalyq túzetý ortalyǵyn qazirgi zamanǵy jabdyqtarmen jaraqtandyrý josparlanýda. Onyń fılıaldary Masanshy jáne Sortóbe aýyldaryndaǵy orta mektepter bazasynda ashylady, sondaı-aq Qordaı aýylynda ınklıýzıvti bilim berý resýrstyq ortalyǵy iske qosylady. Qor kabınetterdi qajetti jabdyqtarmen qamtamasyz etip, oqý materıaldaryn satyp alýǵa jáne mamandar daıarlaýǵa qol ushyn sozbaq.

«Sábı» qaıyrymdylyq qorynyń prezıdenti Ásel Tasmaǵambetova oblysta erekshe qajettiligi bar balalarǵa arnalǵan sporttyq oıyn alańyn salýǵa nıetti ekendigin jetkizdi.

«Bizdiń búgingi kezdesýimiz úkimettik emes uıymdarmen qarym-qatynasty damytýdyń mańyzdy qadamy bolýy tıis. Joǵaryda aıtylǵan barlyq usynystar bos sóz bolyp qalmaı, jaqyn arada júzege asyrylýy qajet», - dedi oblys ákimi.



Joǵary qaraı