Aýa raıy
Astana -28 °S
Almaty -4 °S
valıýta baǵamy
USD 421.58
EUR 496.83
RUB 5.53
CNY 62.20

Berdibek Saparbaev «komandamen júredi» degen synǵa jaýap berdi

2020 jyldyń 2 jeltoqsan 2020 14:27

NUR-SULTAN. QazAqparat – Jambyl obylysynyń ákimi Berdibek Saparbaev OKQ alańynda tilshilerdiń «bılik jolynda komandamen júresiz be?» degen suraǵyna jaýap berdi, dep habarlaıdy QazAqparat tilshisi.

«Birinshiden, «komandamen júresiz be?» degen maǵan alǵash ret qoıylyp otyrǵan joq. Qaıda jumys istesem de osy suraq maǵan qaıta qoıylyp jatady. Bárine aıtarym: Qazaqstannyń Konstıtýtsııasyna sáıkes, elimizdiń kez kelgen azamaty Qazaqstannyń kez kelgen jerinde eńbek ete alady. Bul bir. Ekinshiden, Erjan Jylqybaev týraly aıtar bolsam, Memleket basshysynyń tapsyrmasymen Jambyl oblysynyń burynǵy orynbasary laýazymynan bosatylǵan bolatyn. Al ol áleýmettik máseleler úshin jaýap beretin. Ózińiz biletindeı, Erjan Jylqybaev Eńbek jáne halyqty áleýmettik qorǵaý mınıstriniń orynbasary bolǵan. Sondyqtan bul salany bes saýsaǵyndaı biletin azamat kerek boldy», - dedi Jambyl obylysynyń ákimi Ortalyq kommýnıkatsııalar qyzmetinde ótken baspasóz máslıhatynda.

Berdibek Saparbaev kúsh qurylymdarynyń aımaqtyq basshylaryn, prokýrorlardy, UQK-nyń óńirlik departamentiniń basshylaryn Jambyl oblysynyń ákimi taǵaıyndamaıtynyn aıtty.

«Dál sol kezdegi (Qordaıdaǵy oqıǵa) jaǵdaıǵa baılanysty bálkim, bul isterden habary bar azamattar kerek bolǵan bolar. Aqtóbe oblysynda terror bolǵan kezde dál sol qyzmetkerler sonda jumys istegen. Osyny eskere otyryp, Bas prokýratýra men UQK basshysy ultaralyq qarym-qatynas salasynda qarym-qatynasty qamtamasyz etý úshin Jambyl oblysyna siz aıtqan (jýrnalıst qoıǵan suraq boıynsha) basshylardy taǵaıyndaǵan bolýy kerek», - dedi ol.

Berdibek Saparbaev jergilikti kadrlardan da óńirlik bılikke mamandar tartylyp jatqanyn aıtyp ótti. Máselen, ákimniń orynbasary Talǵat Mamaev Jambyl oblysynda týǵan.

Saparbaevtyń aıtýynsha ol ortalyq jáne óńirlik deńgeıde de qyzmet etken bilikti maman. Apparat basshysy da jergilikti kadrlar qatarynan shyqqan.

«Álbette eń birinshi kezekte biz jergilikti kadrlar jumys istegenin qalaımyz», - dep túıdi ákim.


Avtor Aıan Bekenuly
Basty sózder: Jambyl oblysy, Ákim,
Joǵary qaraı