Aýa raıy
Astana 17 °S
Almaty 26 °S
valıýta baǵamy
USD 412.55
EUR 468.66
RUB 5.79
CNY 58.80

Berdibek Saparbaev Tarazdaǵy birqatar dárihanalardy aralady

2020 jyldyń 2 shilde 2020 17:13

TARAZ. QazAqparat – Jambyl oblysynyń ákimi Berdibek Saparbaev búgin qalanyń birqatar nysandaryn aralaǵan kezinde dári-dármektik jetispeýshiligi, kásiptik bilim berý, abattandyrý jáne basqa da máselelerge nazar aýdardy, dep habarlaıdy QazAqparat tilshisi.

Aımaq basshysy aldymen dárihanalardyń jumysymen tanysty.

Áıteke bı kóshesindegi «Ámir & D» dárihanasynda kezekke turǵan tutynýshylardyń qarasy qalyń. Satyp alýshylar nysanǵa bir-birden kirip, taýarlardy tereze arqyly alýda. Soǵan sáıkes, kezekke turǵandardyń shoǵyry taza aýada qalyptasqan.

Berdibek Saparbaev eń birinshi qandaı dári-dármekterdiń jetispeıtindigine jáne ol máselelerdiń qalaı sheshilip otyrǵandyǵyna nazar aýdardy.

«Ámir jáne D» JShS dırektorynyń orynbasary Ámir Nurseıitovtiń aıtýynsha, dárihana jelisiniń qory qalyptasqanmen, biraq ol tek bir aıǵa jetedi eken.




«Ámir jáne D» JShS-niń Taraz qalasy boıynsha 24 dárihanasy jumys isteıdi desek, búginde olardyń ekeýi suranysqa sáıkes táýlik boıy jumys isteýde. Jeliniń qoımalardaǵy qorlaryn baqylaýǵa múmkindik beretin biryńǵaı kompıýter júıesi qalyptasqan.

- Biz ózimiz glıýkoza, askorbın qyshqyly, fız-eritindisin shyǵaramyz. Eger qajetti preparat bolmasa, onda satyp alýshylarǵa onyń analogyn usynamyz. Turǵyndar paratsetamol, ystyqty tómendetetin jáne vırýsqa qarsy preparattardy jıi suraýda, - deıdi A.Nurseıitov.

Degenmen dárihanada qarapaıym synap termometrleri taýsylyp, tek elektrondy túrleri ǵana satylymda eken.

Dál osyndaı kórinis «Qonys B» dárihanasynda da kezdesti. Bul dárihana qyzmetkerleri tutynýshylar arasyndaǵy jáne satýshymen araqashyqtyqtyń saqtalyp, ishke tek birtindep engiziletinin jetkizdi.

- Bizde dári-dármekterdi jetkizýde másele joq. Únemi preparattardyń úlken qoryn saqtap otyramyz. Birshama tutynýshylardyń qarasy qalyńdaǵany baıqalady, biraq ázirge tańerteń ákelingen dári-dármekterdi keshke deıin satýdamyz. Turǵyndarǵa paratsetamoldyń analogtaryn usynyp jatyrmyz, - dedi dárihana meńgerýshisi Zaǵıra Shańlaqbaeva.

Berdibek Saparbaev dári-dármekterdiń qymbattaýyna qatysty saýal joldady. Dárihana meńgerýshisi dári-dármekter barlyq zańnamalyq normalarǵa sáıkes satylatynyna sendirip, olardyń baǵasy sońǵy úsh aıda bar bolǵany bes paıyzǵa ǵana óskendigin alǵa tartty.

Oblys ákimi bas suqqan barlyq dárihanalarda qajetti dári-dármek bolmaǵan jaǵdaıda turǵyndarǵa balamaly preparattardy usynyp, túsindirý kerektigin jetkizdi. Sonymen qatar, ol osy oraıda dári-dármekterdi jetkizýshilerimen kezdesetindigin tilge tıek etti.




Berdibek Saparbaev kelesi kezekte belgili qazaqstandyq dızaıner Aıdarhan Qalıevtiń «Asyl dızaın» stýdııasy men «Aspara» kolledjine at basyn burdy. Onda tiginshilermen sóılesip, búkil shyǵarmashylyq úderistiń aýqymdylyǵyna kóńil bóldi.

Munan soń oblys ákimi «Alataý» yqshamaýdanyndaǵy aýlalardy abattandyrý jumystarymen tanysty. Óńir basshysy qalany aralaý barysynda jylý qubyrlary jańartylyp jatqan birqatar nysandarǵa aıaldady.


Avtor Qajy Murat
Basty sózder: Jambyl oblysy, Medıtsına, Ákim,
Joǵary qaraı