Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Berel jádigerleri Ulybrıtanııada tanystyrylady

2021 jyldyń 21 qyrkúıek 2021 06:12

ÓSKEMEN. QazAqparat - Ulybrıtanııada ótetin kórmege Berel qorǵandarynan tabylǵan tarıhı jádigerler qoıylady, dep habarlaıdy QazAqparat «Berel» memlekettik tarıhı-mádenı qoryq-mýzeıiniń baspasóz qyzmetine silteme jasap.

Qazaqstan Táýelsizdiginiń 30 jyldyǵy aıasynda Shyǵys Qazaqstan oblysynyń ákimdigi Ulybrıtanııanyń Kembrıdj ýnıversıtetiniń Fitzwilliam mýzeıinde «Uly dala altyny» halyqaralyq kórmesin uıymdastyrmaq, Kórmeniń ashylý saltanaty 28 qyrkúıekte ótedi dep josparlanyp otyr.

Mádenı shara Qazaqstannyń kóp ǵasyrlyq tarıhy men baı mádenıeti, ǵalymdardyń ǵylymı izdenisteriniń jańa nátıjesimen tanystyrýǵa múmkindik beredi.

Osyǵan oraı Qazaqstan arheologııasy jetistikteri «Gold of Kazakhstan» ekspozıtsııasynda kórsetiledi, munda Berel qorǵandarynan tabylǵan qańqalar, kıizden jáne matadan jasalǵan jylqy ábzelderi kórermender nazaryna usynylady.

«Zertteýshi Zeınolla Samashev 1998 jyly qorǵannyń «patsha qorymy» kezeńin zertteý barysynda №11 nysannan altynmen aptalǵan 13 at jáne sol zamannyń kósemi bolǵan bekzada men áıeldiń súıegin tapqan. «Berel jylqylary» degen ataýmen belgili bul jylqylar tarıhymyzdyń jaýhar jádigerleriniń biregeıine aınalǵan. Sondaı-aq, erekshe qurylym men jerleý rásimi №36-shy obada tirkelgen bolatyn. Basqa jerde kezdespeıtin bulan tektes súıekten jasalǵan jylqynyń áshekeıi. Bul áshekeıdiń qundylyǵy da altynmen birdeı. Mundaı úlgiler Altaı óńiriniń basqa jerlerinde kezdespeıdi», - dedi «Berel» memlekettik tarıhı-mádenı qoryq-mýzeıi dırektorynyń mindetin atqarýshy Almas Sarbasov.








Joǵary qaraı