Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Berik Ábdiǵalıuly: Qurbandar sany budan da kóp bolýy múmkin edi

2022 jyldyń 16 qańtar 2022 15:35

NUR-SULTAN. QazAqparat – Memleket basshylyǵy ekstremısterdi aýyzdyqtaýǵa qatysty sheshimder qabyldamaǵanda, qurbandar sany budan da kóp bolýy múmkin edi. Bul týraly Májilis depýtaty Berik Ábdiǵalıuly málim etti, dep habarlaıdy QazAqparat tilshisi.

«Qańtar tragedııasyndaǵy» qurban sany anyqtaldy - 225. Bul jóninde quqyq qorǵaý oryndary habarlady. Quqyq qorǵaý organdary osynaý aýyr aqparatty ashyq jetkizip otyr. Bul durys. Eger de memleket basshylyǵy ekstremısterdi aýyzdyqtaýǵa qatysty sheshimder qabyldamaǵanda qurbandar sany budan da kóp bolýy múmkin edi. Osyndaı tragedııanyń qaıtalabas úshin qolda bardyń bárin jasaıyq! Elimiz aman bolsyn!», - dep jazdy depýtat áleýmettik jelidegi paraqshasynda.

Sonymen qatar jaqynda Berik Ábdiǵalıuly Prezıdent jańadan bekitilgen Úkimetke halyqtyń kókeıinde júrgen máselelerdi sheshýge tapsyrma bergenin atap ótti.

«Memleket basshysy Májilistiń jalpy otyrysyndaǵy sózinde úlken saıası mindetterdi qoıdy. Ol - memlekettik tabystyń ádiletti bólinýi. Osy joly Prezıdent jańadan bekitilgen Úkimetke bul baǵytta jumysty jalǵastyrýǵa, halyqtyń kókeıinde júrgen máselelerdi sheshýge tapsyrma berdi. Bul óz kezeginde Úkimetke berilgen úlken senim jáne múmkindik», - dedi B. Ábdiǵalıuly.

Osy oraıda depýtat bul baǵyttaǵy jumystar toqtap qalmaýy kerek ekenin, ony búkil qoǵam bolyp qoldaý mańyzdy bolyp otyrǵanyn atap ótti.

Budan buryn habarlanǵandaı, Bas prokýratýra tártipsizdikter men terrorıstik shabýyldan qaza bolǵandardyń jalpy sanyn atady.

«Adam shyǵyny bolǵan oqıǵalardy tergep, tekserýge erekshe nazar aýdarylýda. Búgingi kúni 4578 jábirlenýshi anyqtaldy. Onyń 4353-i jaralandy. Onyń ishinde 3393 quqyq qorǵaý organdarynyń qyzmetkerleri. Tótenshe jaǵdaı kezinde morgterge qazaq tapqan 225 adam jetkizildi. Olardyń bir bóligi terraktilerge qatysqan, ǵımarattar men quqyq qorǵaý qyzmetkerlerine shabýyl jasaǵan qarýly bandıtter. Qaza bolǵandardyń ishinde 19 polıtsııa jáne ásker qyzmetkerleri de bar. Atalǵan derekter aldyn ala sıpatta. Olar áli naqtylanyp jatyr, ózgerýi de múmkin. Degenmen, árbir fakt muqııat tekseriledi, nátıjesi boıynsha quqyqtyq baǵa beriledi», - dedi QR Bas prokýratýrasy qylmystyq qýdalaý qyzmetiniń bastyǵy Serik Shalabaev.

Sonymen qatar Bas prokýratýra oqıǵanyń tolyq hronologııasyn jarııalady.


Joǵary qaraı