Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Berik Ýálı: Beıbit demonstratsııaǵa qatysýshylar qylmystyq jaýapkershilikke tartylmaýy kerek

2022 jyldyń 14 qańtar 2022 22:05

NUR-SULTAN. QazAqparat - Ózderińizge málim, Memleket basshysy Qasym-Jomart Toqaev Bas prokýratýraǵa «Qasiretti qańtar» oqıǵasyna qatysyp, ártúrli quqyq buzýshylyq boıynsha ustalǵan azamattardyń kinásiniń deńgeıin anyqtaýdy tapsyrdy. Bul týraly QR Prezıdentiniń baspasóz hatshysy Berik Ýálı jelidegi parashasynda jazdy.

«Ózderińizge málim, Memleket basshysy Qasym-Jomart Toqaev Bas prokýratýraǵa «Qasiretti qańtar» oqıǵasyna qatysyp, ártúrli quqyq buzýshylyq boıynsha ustalǵan azamattardyń kinásiniń deńgeıin anyqtaýdy tapsyrdy. Prezıdent olardyń aýyr qylmysy bolmasa, jazany jeńildetý sharalaryn qabyldaýǵa bolady dep sanaıdy. Beıbit demonstratsııaǵa qatysýshylar qylmystyq jaýapkershilikke tartylmaýy kerek. Memleket basshysynyń túbegeıli ustanymy beıbit jınalystar men mıtıngiler zańǵa sáıkes ótýi kerek. Zańda mundaı jıyndardyń eskertý arqyly ǵana ótkiziletini qarastyrylǵan. Mıtıngiler men jınalystardy endi qalalardyń ortalyq aýdandarynda ótkizýge bolady. Bul – elimizdegi demokratııany ilgeriletýge baǵyttalǵan mańyzdy qadam», - dep jazdy Berik Ýálı.
Eske salsaq, buǵan deıin Qazaqstan Prezıdenti Qasym-Jomart Toqaev «qasiretti qańtar» oqıǵalary kezinde qylmys jasaǵan adamdar zań boıynsha jaýapqa tartylatyndyǵy týraly aıtty.

Sondaı-aq Qasym-Jomart Toqaev Bas prokýratýraǵa basqa adamdardyń kinási qandaı dárejede ekenin anyqtaýdy tapsyrdy.



Joǵary qaraı