Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Berlın eýrazııalyq klýbynyń otyrysynda Qazaqstannyń eksporttyq áleýetin damytý máselesi qaraldy

2021 jyldyń 10 mamyr 2021 20:07

BRıÝSSELЬ. QazAqparat – Qazaqstan Respýblıkasy Premer-Mınıstriniń orynbasary - Syrtqy ister mınıstri Muhtar Tileýberdiniń qatysýymen ótken Berlın Eýrazııalyq klýbynyń (BEK) kezekti 31-shi otyrysynda aýyl sharýashylyǵy jáne týrızm salasyndaǵy yntymaqtastyq jáne ınvestıtsııalar tartý, Qazaqstannyń eksporttyq áleýetin damytý máseleleri qaraldy. Bul týraly QazAqparat QR SІM baspasóz qyzmetine silteme jasap hbarlaıdy.

COVID-19 pandemııasyna baılanysty daǵdarystyń teris ekonomıkalyq saldaryn azaıtý jáne bıznesti qoldaý boıynsha birlesken kúsh-jiger talqylandy. Іs-shara Germanııa ekonomıkasynyń shyǵys komıteti Qazaqstannyń Germanııadaǵy Elshiligimen birlesip gıbrıdtik formatta uıymdastyryldy.

Eýropalyq taraptan spıkerler retinde GFR Azyq-túlik jáne aýyl sharýashylyǵy federaldyq mınıstrliginiń Parlamenttik stats-hatshysy Ýve Faıler, Federaldyq ekonomıka jáne energetıka mınıstrliginiń Parlamenttik stats-hatshysy, GFR Federaldyq úkimetiniń týrızm jónindegi ýákili Tomas Barraıs, eks-Eýrokomıssar, Eýropalyq saıasat ortalyǵynyń kýratory Gıýnter Ettınger, «CLAAS Group» Basqarma múshesi Krıstıan Radons, «METRO AG» kompanııasynyń Basqarma tóraǵasy Shtefan Groıbel jáne «Eurochambres» EO Saýda-ónerkásiptik jáne syrtqy saýda palatalary qaýymdastyǵynyń prezıdenti Krıstof Laıtl. Qazaqstan tarapynan «Báıterek» UBH» AQ Basqarma tóraǵasy Aıdar Arıphanov, Sport jáne týrızm vıtse-mınıstri Ǵabıdolla Ábdirahymov, Pavlodar oblysy ákiminiń orynbasary Sáken Shaıahmetov, «Kazakh Invest» UK» AQ Basqarma tóraǵasy Meıirjan ıÝsýpov sóz sóıledi.

Іs-sharaǵa Qazaqstannyń, Germanııanyń, Belgııanyń úkimettik jáne iskerlik toptardyń, EO organdarynyń, salalyq jáne óńirlik bıznes-qaýymdastyqtardyń 70-ke jýyq ókilderi, jetekshi eýropalyq kompanııalardyń basshylary qatysty.

Óz sózinde M.Tileýberdi Prezıdent Qasym-Jomart Toqaevtyń pandemııa kezinde ekonomıkanyń turaqty ósýin qamtamasyz etý jáne el halqyn áleýmettik qoldaý jónindegi saıasaty týraly habarlady. 2020 jylǵy naýryzda kúshine engen Qazaqstan men EO arasyndaǵy Keńeıtilgen áriptestik pen yntymaqtastyq týraly kelisimdi údemeli iske asyrý erekshe nazar aýdarýdy talap etedi.

BEK otyrysynyń eýropalyq qatysýshylary aýyl sharýashylyǵy men týrızmdi qoldaýǵa jáne odan ári damytýǵa, Qazaqstannyń eksporttyq áleýetin keńeıtýge baǵyttalǵan jobalardy iske asyrýǵa qyzyǵýshylyq bildirdi.

Іs-shara aıasynda M.Tileýberdi Germanııa, Belgııa jáne Lıýksembýrg kompanııalarynyń basshylarymen birqatar ekijaqty kezdesýler ótkizip, onyń barysynda áriptestikti damytý jáne jańa ınvestıtsııalyq jobalardy birlesip iske asyrý perspektıvalary talqylandy.

Aıta ketsek, Berlın Eýrazııalyq klýby 2012 jyly QR Tuńǵysh Prezıdenti Nursultan Nazarbaevtyń jáne GFR-dyń burynǵy Vıtse-kantsleri, Syrtqy ister mınıstri Hans-Dıtrıh Gensherdiń bastamasymen quryldy. BEK ekonomıkanyń túrli salalaryndaǵy ózara is-qımyldyń ózekti máselelerin talqylaý úshin memlekettik organdar, bıznes ókilderiniń, GFR jáne Eýropanyń basqa da elderiniń sarapshylary men praktıkteriniń qatysýy úshin ashyq beıresmı dıalog platformasy.


Joǵary qaraı