Aýa raıy
Astana 11 °S
Almaty 12 °S
valıýta baǵamy
USD 421.58
EUR 496.83
RUB 5.53
CNY 62.20

Bestóbe shatqaly men Sileti sý qoımasyn lastaǵandarǵa aıyppul salynady - mınıstrlik

2020 jyldyń 10 tamyz 2020 08:35

AQMOLA OBLYSY. QazAqparat - Ekologııa mınıstrligi demalys kúnderi jergilikti ákimdik pen ІІM ókilderimen birge Sileti sý qoımasyna kezekti qoǵamdyq reıd júrgizdi, dep habarlaıdy QazAqparat vedomstvonyń baspasóz qyzmetine silteme jasap.

Sý qoımasyna elimizdegi eń bir taza ózenniń biri - Sileti aǵyp keledi. Al Bestóbe shatqaly astanadan shamamen 200 shaqyrym. Adamdar osynda demalýǵa kelgender qaldyratyn qoqysqa, olardyń tabıǵatqa taǵylyqpen qaraýyna, belgilenbegen jerde shomylatynyna shaǵym aıtyp jatyr.




«Biz demalyp jatqandarmen áńgimelesip, qoqysty jınadyq. Eger bárimiz birge tártipke keltirý sharalaryn qabyldamaıtyn bolsaq, erteń demalatyn taza jer qalmaıdy. Turǵyndardyń arasyndaǵy túsindirý jumysyn quramynda 1,5 mln bala bar «Jas ulan» jastar uıymynyń jas kómekshileriniń járdemimen júrgizemiz. Bizdiń tabıǵatty aıalaý týraly dárisimizdi estigen balalar úıge kelgen soń, ata-analarynyń da qorshaǵan ortaǵa qamqorlyqpen qaraýyn ótinedi», - deıdi mınıstrliktiń Ekologııalyq retteý jáne baqylaý komıteti tóraǵasynyń orynbasary Ermek Omarov.
Ekologııa mınıstrligi kezekti ret el azamattaryn tabıǵatta demalýdyń qarapaıym qaǵıdasyn saqtaýǵa, qoqysty qaldyrmaı alyp ketýge, qorshaǵan ortaǵa zııan keltirmeýge shaqyrady. Áıtpese memleket ekologııalyq zańnamany buzýshylardy qatań jazalaýǵa májbúr bolmaq.

Mınıstrlik qazaqstandyqtar basqalardyń tabıǵatqa zııan keltirýine beı-jaı qaramaýǵa, ondaı jaǵdaı oryn alyp jatsa týraly qaýyrt jelige habarlaýyn suraıdy.

Ekologııa mınıstrligi adamdar demalatyn jerlerge, onyń ishinde erekshe qorǵalatyn aýmaqtarǵa qoǵamdyq reıd júrgizýdi jalǵastyrmaq.










Joǵary qaraı