Aýa raıy
Astana 9 °S
Almaty 11 °S
valıýta baǵamy
USD 421.58
EUR 496.83
RUB 5.53
CNY 62.20

Beıbit Atamqulov farmatsevtıka jáne medıtsına ónerkásibin damytý sharalaryn atady

2020 jyldyń 15 qyrkúıek 2020 09:51

NUR-SULTAN. QazAqparat – 2021 jyldyń 1-toqsanyna qaraı qorǵanys kostıýmderin óndirý qýaty 500 myńnan 1 mıllıon danaǵa deıin artady.

Bul týraly búgin Úkimet otyrysynda Indýstrııalandyrý kartasy máseleleri boıynsha baıandaǵan QR Indýstrııa jáne ınfraqurylymdyq damý mınıstri Beıbit Atamqulov aıtty, dep habarlaıdy QazAqparat tilshisi.

«Búginde 33 farmatsevtıkalyq kásiporyn dárilik zattardyń 922 túrli ónimin shyǵarady. Farmatsevtıka ónerkásibindegi óndiris kólemi 34,1 paıyzǵa ósti. Pandemııa bastalǵannan beri jeke qorǵanys quraldaryn shyǵarý kólemi 10 jańa jobany iske qosý esebinen 10 ese artty. Osylaısha, búgingi tańda otandyq kásiporyndar qaıta paıdalanylatyn qorǵanysh kostıýmderimen jáne medıtsınalyq qolǵaptarmen qamtamasyz etiledi. Sondaı-aq medıtsınalyq betperdeler ishki qajettilikti tolyq qamtamasyz etýde», - dedi ol.

Mınıstr 2020-2025 jyldarǵa arnalǵan farmatsevtıka jáne medıtsına ónerkásibin damytý jónindegi keshendi jospar aıasynda júzege asyrylatyn sharalarǵa toqtaldy.

«Farmatsevtıka salasynyń óndiris kólemi 2 esege artady. Dári-dármekterdiń eksport kólemi 2 esege artady nemese 116 mln AQSh dollaryna deıin jetkiziledi. 1000 jańa jumys ornyn qamtıtyn 80 jańa dári-dármek túrlerin óndirýdi qarastyratyn, jalpy somasy 100 mln AQSh dollaryn quraıtyn keminde 10 jańa óndiris iske qosylady. Medıtsınalyq betperdelerdi shyǵaratyn kásiporyndardyń qýaty táýligine 1 mıllıonnan 2 mıllıon danaǵa deıin jetkiziledi. 2021 jyldyń 1-toqsanyna qaraı qorǵanys kostıýmderin óndirý qýaty 500 myńnan 1 mıllıon danaǵa deıin arttyrylady», - dedi Beıbit Atamqulov.

Joǵary qaraı