Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Beıbit Atamqulov turǵyn úı baǵasy nelikten qymbattaǵanyn túsindirdi

2021 jyldyń 30 qarasha 2021 00:53

NUR-SULTAN. QazAqparat – QR Indýstrııa jáne ınfraqurylymdyq damý mınıstri Beıbit Atamqulov turǵyn úı baǵasy tóńireginde qalyptasqan jaǵdaıǵa túsinik berdi, dep habarlaıdy QazAqparat tilshisi.

«Habar» telearnasyndaǵy «Ult múddesi» baǵdarlamasynda mınıstr memlekettiń turǵyn úı naryǵyna áleýmettik az qamtylǵan toptardy qoldaý arqyly yqpal etip otyrǵanyn atady.

«Pandemııadan keıingi kezeńde bizde turǵyn úıge degen suranys óte joǵary boldy. Onyń birneshe sebebi bar. Birinshi kezekte, bul - keıinge qaldyrylǵan suranystyń áseri. Aıtpaqshy, memleket 2020 jyly - pandemııanyń sharyqtaý kezeńinde qurylys ınfraqurylymyna óte úlken qoldaý jasady. 2020 jyly 15 mln sharshy metr turǵyn úı qoldanysqa berildi. Bıyl 17 mln sharshy metr turǵyn úı berý josparlanǵan», - dedi Beıbit Atamqulov.

Mınıstr elde turǵyn úı baǵasy kóterilgenin moıyndady.

«Keıinge qaldyrylǵan suranys týraly aıttym ǵoı. Adamdar tipti dúkenge bara almaı qalǵan qıyn kezeń boldy. Qarym-qatynas pen alys-beristiń kez kelgen túri shektelgen shaǵy esińizde shyǵar. Bul ýaqytta adamdar bankke bara almady. Álem boıynsha qurylys materıaldarynyń barlyq túri, ásirese metaldyń qymbattaýy naryqtaǵy baǵaǵa keri áser etti. Bir jaǵynan baspanaǵa suranys bar. Biraq qurylys materıaly men shıkizatynyń baǵasy aspandap ketti. Bul qurylystyń qarqynyn baıaýlatty. Turǵyn úı baǵasy osylaı kóterilip shyǵa keldi», - dep túsindirdi vedomstvo basshysy.

Beıbit Atamqulovtyń aıtýynsha, pandemııaǵa deıingi kezeńde Qazaqstan óndiriske qajet bolattyń eleýli bóligin syrttan ákelip otyrdy. Bul jaıt endi baspana baǵasyn aıqyndaýda salmaqty ról atqaryp otyr.

«Biz qurylys materıaldarynyń naryǵyna túgeldeı taldaý jasadyq. Qazaqstanda qurylys materıaldaryn júz paıyz derlik ózimizde óndirýge bolady. Tehnologııalyq tizbekten bastap naryqqa deıingi jasalǵan taldaý qorytyndysy suranysty alypsatarlar ýshyqtyrǵanyn kórsetti. Tasymaldaý baǵasy ósken. Básekelestikti qorǵaý agenttigi iske kirisip edi, baǵalar túse bastady. Naryqtaǵy suranys, ajıotaj, beton óndirisi, tsement baǵasy – munyń bári baǵaǵa áser ete berdi» - dep túsindirdi mınıstr.

Aıtýynsha, iri qalalarda kirpish baǵasy da ósken.

«Kirpish baǵasyna qatysty tańǵalarlyq jaǵdaı qalyptasyp otyr. Otandyq ónim bolsa da, úsh iri qalada onyń baǵasy qatty ósti. Ásirese astanamyz ben Almaty qalasynda qymbattap shyǵa keldi. Al ózge óńirlerde ondaı baǵa aýytqýy bolǵan joq. Búginde beton men tsementke degen qajettilikti júz paıyz, armatýra boıynsha 65% ótep otyrmyz. Qurylys materıaldarynyń naryǵyn jergiliktendirý baǵytynda 35 jańa joba josparlanǵan», - dedi mınıstr.

Mınıstrdiń paıymynsha, turǵyn úıge degen suranysty birjolǵy zeınetaqy tólemin alýǵa berilgen ruqsat ta ýshyqtyrǵan.

«Bul negizi durys sheshim boldy. Sonyń arqasynda azamattarymyzdyń kóbi jaǵdaılaryn jaqsarta aldy, birazy nesıelerin japty» - dedi Beıbit Atamqulov.


Joǵary qaraı