Aýa raıy
Astana 9 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Beıbit jınalystar týraly zań bizdiń qoǵamda jıyndar mádenıetin qalyptastyrady - sarapshy

2020 jyldyń 14 mamyr 2020 14:53

NUR-SULTAN. QazAqparat - Qazaqstannyń beıbit jınalystar týraly jańa zań jobasyn modernızatsııalyq kúntártibi negizinde qarastyrǵan jón. Mundaı pikirdi QR Prezıdenti janyndaǵy Qazaqstan strategııalyq zertteýler ınstıtýtynyń aǵa ǵylymı qyzmetkeri Slıamjar Ahmetjarov bildirdi, dep habarlaıdy QazAqparat tilshisi.

«Qazaqstannyń beıbit jınalystar týraly jańa zań jobasyn modernızatsııalyq kúntártibi negizinde qarastyrǵan jón. Saıası ekonomıka salasyndaǵy bedeldi ǵalymdardyń biri F.Fýkýıama modernızatsııa teorııasynyń úsh negizgi qurylymyn kórsetedi – bul ekonomıkalyq ósý, áleýmettik jumyldyrý jáne saıası damý. Osy elementterdiń árqaısysy qoǵamnyń «dástúrli» kúıden «zamanaýı» modelge ózgerýi men aýysýynda negizgi ról atqarady«, - dedi sarapshy.

Onyń atap ótýinshe, Qazaqstan kóp jaǵdaıda Ońtústik Azııa elderiniń jańǵyrý jolymen júrip keledi. Japonııa, Ońtústik Koreıa jáne Taıvandaǵy XX ǵasyrdyń ekinshi jartysynda oryn alǵan qarqyndy ekonomıkalyq ósim azamattyq qozǵalystardyń ósýine jáne soǵan baılanysty saıası ózgeristerge sebep boldy. Osyǵan uqsas stsenarıı Qazaqstanda baıqalady. ıAǵnı táýelsizdik kezeńinde ındýstrııalyq damý baǵdarlamalary arqyly memleket turaqty ekonomıkalyq ósýdi qamtamasyz etti. Qazaqstandyqtardyń ál-aýqatyn jaqsartý azamattardyń Úkimetpen suhbattasýǵa jáne memlekettik sheshimder qabyldaý úderisine qatysýǵa degen suranysynyń artýyna ákeldi.

«Osy turǵyda Qazaqstandaǵy beıbit jınalystar týraly jańa zań jobasy Memleket basshysynyń tapsyrmasy boıynsha ázirlengen saıası reformalar toptamasyna kiredi. Osylaısha, Qazaqstan qoǵamdy jańǵyrtýdyń sońǵy satysynda tur. Beıbit jınalystar týraly zań jobasy azamattardyń áleýmettik jumyldyrý jáne túrli qoǵamdyq-saıası máseleler boıynsha óz pikirlerin bildirý múmkindikterin keńeıtýge arnalǵan. Sonymen qatar, beıbit jınalystarǵa ruqsat alýdyń habarlandyrý sıpatyna ótýi – bul qazaqstandyq saıası júıeni yryqtandyrýǵa baǵyttalǵan progressıvti qadam», - dedi ol.

Sarapshy beıbit jınalystar týraly zańnyń qabyldanýy túptep kelgende qazaqstandyq qoǵamda mıtıngiler, pıketter jáne demonstratsııalar mádenıetin qalyptastyratyndyǵyn aıtady.

«Óz kezeginde, azamattardyń «keri baılanysy» memlekettik saıasat salasyndaǵy oılastyrylǵan sheshimderdiń qabyldanýyna yqpal etedi. Beıbit jınalystar týraly zańǵa túzetýler keń aýqymdy kózqaras turǵysynan alǵanda qazaqstandyqtardyń azamattyq bolmysyn nyǵaıtýǵa jáne qoǵamnyń memlekettik bılik júıesine áserin kúsheıtýge múmkindik beredi», - dedi Slıamjar Ahmetjarov.


Joǵary qaraı