Aýa raıy
Astana 0 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

Beırýttaǵy jarylystan qaza tapqandar sany 137 adamǵa jetti

2020 jyldyń 6 tamyz 2020 08:43

BEIRÝT. Al JAZEERA.​​​​​​-QazAqparat. – Beırýttaǵy jarylystan qaza tapqandar sany 137 adamǵa jetti. Bul týraly Lıvannyń Densaýldyq saqtaý mınıstrligi málim etti, dep habarlaıdy QazAqparat Al Jazeera​​​​​ telearnasyna silteme jasap.

Agenttiktiń habarlaýynsha, zardap shekkender sany 5 myńǵa jetken. Ondaǵan adam habar-osharsyz ketken.

Buǵan deıin 135 adamnyń qaıtys bolǵany týraly habarlanǵan bolatyn.

Eske sala keteıik, Beırýt teńiz portynyń qoımasynda seısenbi kúni joıqyn jarylys bolǵan edi.

Lıvan ІІM málimeti boıynsha budan alty jyl buryn keden qyzmetteri tárkilegen qoımada saqtalǵan 2,7 myń tonnadan astam ammıak selıtrasynyń dánekerleý jumystary barysynda janýy sebep bolǵan.

Jarylys tolqyny ondaǵan úılerdi, avtokólikterdi qıratyp, joıǵan. El astanasynyń kóptegen aýdandarynda úılerdiń áınekteri synǵan. 300 myńnan astam adam baspanasyz qaldy.

Aıta keteıik, osyǵan deıin Beırýttaǵy jarylystan qaza bolǵandar sany 113 adamǵa jetkeni habarlandy.
Basty sózder: Oqıǵa, Álem,
Joǵary qaraı