Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Beıjińde Olımpıada qalashyǵy resmı túrde ashyldy

2022 jyldyń 27 qańtar 2022 10:31

BEIJІŃ. Kyodo-QazAqparat – Beısenbi kúni Beıjiń qalasynda ótetin Qysqy olımpıada oıyndarynyń qatysýshylary úshin Beıjińde eki jáne Chjantszıakoýda bir olımpıada qalashyǵy ashyldy, dep habarlaıdy QazAqparat Kyodo agenttigine silteme jasap.

Beıjidegi Chaoıan jáne ıAntsın aýdandaryndaǵy kentterde 3500-ge jýyq tósek oryn qarastyrylǵan, al Qytaı astanasynan soltústik-batysqa qaraı shamamen 160 shaqyrym jerde ornalasqan Chjantszıakoýdaǵy qalashyq 4-20 aqpan aralyǵynda ótetin oıyndarǵa qatysatyn komandalardyń shamamen 2800-ge jýyq sportshy men resmı tulǵany qabyldaıdy.

Chaoıan kentinde negizinen konkımen syrǵanaý jarystaryna qatysýshylar turatyn bolsa, ıAntsındegi qalashyqta taý shańǵyshylaryn qarsy alady. Chjantszıakoý aımaǵyndaǵy aýylda shańǵyshylar, snoýbordshylar jáne tramplınnen sekirýshiler turatyn bolady.

Japonııanyń shaıbaly hokkeıden áıelder quramasynyń olımpıadalyq qalashyqqa beısenbi kúni tústen keıin keletini kútilýde. Sportshylar 3 aqpan kúni Ýkesong sport ortalyǵynda ótetin alǵashqy oıynynda Shvetsııa komandasymen kezdesedi.





Basty sózder: Sport, Olımpıada-2022, Olımpıada,
Joǵary qaraı