Aýa raıy
Astana 5 °S
Almaty 11 °S
valıýta baǵamy
USD 421.58
EUR 496.83
RUB 5.53
CNY 62.20

Bıbigúl Tólegenova Shámshi Qaldaıaqovtyń mereıtoıyna arnalǵan «Meniń Qazaqstanym» chellendjin bastady

2020 jyldyń 15 tamyz 2020 09:44

NUR-SULTAN. QazAqparat - Búgin QR Mádenıet jáne sport mınıstrliginiń uıymdastyrýymen «Meniń Qazaqstanym» halyqaralyq mýzykalyq chellendji bastaldy. Áýendi marafon ataqty kompozıtor, án janrynyń áıgili maıtalmany, qazaq estradasynyń negizin salýshylardyń biri, Qazaqstannyń halyq ártisi, QR Ánurany áýeniniń avtory Shámshi Qaldaıaqovtyń týǵan kúnine arnalady, dep habarlaıdy QazAqparat tilshisi.

Halyqaralyq aýqymdy qamtıtyn bul sharany úılestirý «Qazaqkontsert» uıymy janyndaǵy «Kontserttik-gastroldik qyzmet ortalyǵyna» júktelgen. Jobanyń ereksheligi – ony «qazaq mýzykasynyń altyn daýysy», án áleminiń ardageri Bıbigúl Tólegenovanyń bastaýynda bolyp otyr. Shámshi Qaldaıaqovtyń úzeńgiles-zamandasy Bıbigúl Ahmetqyzy sazgerdiń «Qaıyqta» ánin eń alǵash oryndaǵan edi. Talant ıesi jastyq shaǵyn eske alyp, atalǵan ándi tyńdarmandaryna taǵy bir márte usyndy.

Bıbigúl Tólegenova «Meniń Qazaqstanym» halyqaralyq mýzykalyq chellendjin jalǵastyrý estafetasyn belgili ánshi Álibek Dinishevke, Qazaqstannyń Halyq artısi Roza Rymbaevaǵa, KSRO jáne Qazaqstannyń Eńbek sińirgen sport sheberi, QR eńbek sińirgen qaıratkeri Dáýlet Turlyhanovqa, sondaı-aq, alys-jaqyn shet elderdegi qandastarymyzǵa joldady. Qazirgi ýaqytta atalmysh estafetany qabyl alýshylar jobany qýatty qoldap, jalǵastyrýǵa belsendilik tanytýda. Máselen, Roza Rymbaeva kezekti án marafonyn qazaq operasynyń qos juldyzy Nurjamal Úsenbaeva men Maıra Muhamedqyzyna jáne jas ánshi Ámirege joldaıtynyn josparlap otyr. Sonymen qatar, Dáýlet Turlyhanov óziniń sporttaǵy shákirtteri men tanymal óner juldyzdaryn tartpaqshy.

Aldaǵy ýaqytta tanymal óner juldyzdary men talantty akterlerdi, belgili sportshylar men kúlli qazaqstandyqtardy biriktiretin mýzykalyq chellendj óner súıer qaýymdy tańǵaldyrary sózsiz.


Aıta keteıik, áıgili kompozıtordyń 90 jyldyǵy respýblıkalyq mańyzy bar mereıtoılar tizimine engen. Keshe «qazaq valsiniń koroli» atanǵan Shámshi Qaldaıaqovqa týǵan jerinde, Túrkistan oblysynyń Otyrar aýdanynda mýzeı ashyldy.



Avtor Marlan Jıembaı
Basty sózder: Óner, Mádenıet,
Joǵary qaraı