Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bilim berý salasyna qosymsha qoldaý qajet - Tóleýǵalı Taıtóleev

2021 jyldyń 14 qyrkúıek 2021 17:55

ALMATY. QazAqparat —Ustaz, Almaty memlekettik energetıka jáne elektrondy tehnologııalar kolledjiniń dırektory Tóleýǵalı Taıtóleev búgingi bilim berý salasyna qatysty pikirin bildirdi, dep habarlaıdy QazAqparat tilshisi.

«Búgingi bilim berýdiń negizgi maqsatynyń biri — básekege qabiletti maman daıarlaý ekenin eskersek, ondaı mamandy daıarlaý úshin ustazdarymyz áleýetti, qamtamasyz etilgen, jaýapty, shyǵarmashyl, izdenimpaz, ózgeristerge beıim bolýy kerek. Osynyń bári bilim salasynda iske asyrylýda deýge bolady. Ustazdardyń áleýmettik jaǵdaıy jasalýda, bilim alýshylarymyzdyń sapaly bilim alýyna barlyq múmkindik jasalyp jatyr»,-dedi ol.

Onyń aıtýynsha, Táýelsizdik alǵaly beri elimizde bilim berý salasynda kóptegen reformalar júrgizildi. Sondaǵy basty kemshilik — sol reformalardyń keıbir kezde aıaqsyz qalýy, durystap oryndalmaýy. Sondyqtan da bilim berý salasyna qosymsha qoldaý qajet bolýda. Ekonomıkalyq jáne rýhanı turǵydan bolsyn.

«Jalpy, Bilim mnıstri Ashat Aımaǵambetov myrza bastaǵan ujymnyń jumystaryna tolyqtaı kóńilim tolady. Sebebi, qazirgi tańda bilim berý salasynyń barlyq salasynda oń ózgeristi baıqaýǵa bolady. Elimizde ustazdarǵa laıyqty qamqorlyq jasalǵan. Oǵan dálel 2019 jyly bekitilgen» Pedagog mártebesi týraly« zańdy aıtsaq bolady» dep óz oıyn qorytyndylady T. Taıtóleev.


Avtor Dýman Arǵyngeldi
Basty sózder: Bilim, Almaty,
Joǵary qaraı