Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bilim berý uıymdaryna 6 900 pedagog-psıholog jetispeıdi - mınıstrlik

2021 jyldyń 14 qazan 2021 12:29

NUR-SULTAN. QazAqparat – Elimizdiń jalpy bilim beretin mektepterine 6 900-den astam pedagog-psıholog qajet. Bul jaıynda Senat depýtattarynyń saýalyna QR Bilim jáne ǵylym vıtse-mınıstri Bıbigúl Asylovanyń jaýabynda aıtylǵan, dep habarlaıdy QazAqparat tilshisi.

«Jalpy bilim beretin mektepterde 7 652 pedagog-psıholog jumys isteıdi. Óńirlerde 1 876 psıhologııalyq qyzmet jumys istep tur, onda 11 myńnan astam maman qyzmet atqarady. Bilim berý uıymdary Memlekettik bilim berý uıymdary qyzmetkerleriniń úlgi shtattaryna sáıkes pedagog-psıhologtyń shtat birlikterimen qamtamasyz etiledi. 2021-2023 jyldar aralyǵynda respýblıkalyq bıýdjet esebinen «Órleý» biliktilikti arttyrý ulttyq ortalyǵy» AQ bazasynda 97 672 mln teńge somasyna 1 535 pedagog-psıhologtyń biliktiligin arttyrý josparlanǵan», - delingen vıtse-mınıstr jaýabynda.

Usynylǵan derekterge sáıkes, 2021 jyly – 500, 2022 jyly – 500, 2023 jyly 535 adam atalǵan ortalyqta biliktiligin arttyrady.

2019 jylǵy 1 qyrkúıekten bastap ulttyq testileýden sátti ótken jaǵdaıda pedagog-psıhologterge pedagogıkalyq sheberlik sanaty beriledi jáne qosymsha aqy tólenedi. Sonymen qatar, bilim berý uıymdarynda psıhologııalyq qyzmet júıesin odan ári damytý úshin qolda bar derekter boıynsha qosymsha 6 900-den astam pedagog-psıholog qajet. Joǵaryda baıandalǵandy eskere otyryp, Balanyń quqyqtaryn qorǵaýdy kúsheıtý, turmystyq zorlyq-zombylyqqa qarsy is-qımyl jáne jasóspirimder arasynda sýıtsıdtiń kóbeıýi máselelerin sheshý jónindegi 2020-2023 jyldarǵa arnalǵan jol kartasynyń aıasynda memlekettik bilim berý uıymdary qyzmetkerleriniń úlgilik shtattaryna ózgerister engizý kózdelgen. Bul pedagog-psıhologter shtatyn ulǵaıtýǵa múmkindik beredi», - dedi ol.

Vıtse-mınıstrdiń atap ótýinshe, atalǵan jol kartasy aıasynda pedagog-psıhologterdiń qyzmetin ádistemelik súıemeldeý boıynsha is-sharalar kózdelgen.

«Jergilikti deńgeıde pedagog-psıhologterdiń qyzmetin ádistemelik súıemeldeýdi jáne úılestirýdi qamtamasyz etetin oqý-ádistemelik ortalyqtar jumys isteıdi. Pedagog-psıhologterdiń qyzmetin ádistemelik súıemeldeý bóliginde Mınıstrlik sheteldik áriptestermen (UNICEF) jáne úkimettik emes uıymdarmen tyǵyz jumys júrgizýde», - dep atap ótedi B.Asylova.


Joǵary qaraı