Aýa raıy
Astana -13 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Bilim mádenıetin qoldaý úshin ýnıversıtetterdiń Eýrazııalyq jelisi quryldy

2020 jyldyń 28 qarasha 2020 14:08

ALMATY. QazAqparat - Ál-Farabı atyndaǵy QazUÝ-da JOO basshylarynyń halyqaralyq onlaın kezdesýi ótip, onda «sheksiz bilim mádenıetin qoldaý úshin ýnıversıtetterdiń Eýrazııalyq jelisi» qurylatyny resmı túrde jarııalandy.

Іs-sharany ál-Farabı atyndaǵy Qazaq ulttyq ýnıversıteti men ıÝNESKO qamqorlyǵyndaǵy Halyqaralyq mádenıetterdi jaqyndastyrý ortalyǵy uıymdastyrdy.

BUU Bas Assambleıasy 2013-2022 jyldar aralyǵyn Mádenıetterdi jaqyndastyrýdyń halyqaralyq onjyldyǵy dep jarııalady. Bul turǵyda adamzattyń turaqty damýyn qamtamasyz etýdiń qolaıly ortasy retinde stýdent jastardyń boıynda bilim mádenıetin qalyptastyrýdy kózdeıtin ýnıversıtetterdiń Eýrazııalyq jelisin qurýdyń maqsaty erekshe ózektilikke ıe bolýda. Joǵary bilikti mamandardydyń jańa býyny – joǵary etıkalyq jáne azamattyq ustanymy bar tulǵalar órkenıet damýyna laıyqty úles qosýǵa qabiletti.

QazUÝ rektory Ǵ.Mutanov quttyqtaý sózinde jelini qurý ıdeıasyn qoldady. Ol BUU-nyń turaqty damý boıynsha Jahandyq haby retinde QazUÝ júzege asyryp jatqan zamanaýı Ýnıversıtet 4.0 modeliniń óz jeke taǵdyryna ǵana emes, búkil adamzat úshin jaýapty rýhanı-adamgershilik qundylyqtary joǵary álem azamattaryn qalyptastyrýdaǵy erekshe róline toqtady. «Ýnıversıtet 4.0 modelin júzege asyrýǵa álemniń jetekshi joǵary oqý oryndaryndaǵy 12 sheteldik ál-Farabı ortalyǵy qosyldy. Olar Eýrazııalyq jeli úshin sheksiz bilim mádenıetin qoldaýda ońtaıly platforma bolmaq», – dedi rektor.

«Pandemııanyń qıyn jaǵdaıynda biz Ortalyq Azııadaǵy joǵary bilimniń bolashaǵy týraly, ýnıversıtetterdi bilim mádenıeti ǵımaratyn qurý ıdeıasymen biriktirýdiń jolyn talqylaýdamyz, – dep atap ótti Oljas Súleımenov. – Biz mádenıetter jaqyndastyǵynyń onjyldyǵyn jarııalaý ıdeıasyn alǵa tartqan kezde, adamzatqa jas urpaqqa laıyqty bolashaqty qamtamasyz etýge kómektesetin ortaq planetarlyq sanany qalyptastyrý maqsatynda bilimniń jaqyndasýyn kózdedik».

Ýnıversıtetterdiń Eýrazııalyq jelisiniń Oljas Súleımenov basqaratyn ıÝNESKO qamqorlyǵyndaǵy Halyqaralyq mádenıetterdi jaqyndastyrý ortalyǵynyń patronajymen quryldy. Almatyda ornalasqan bul ortalyq ǵylym men bilimdi damytý, jalpyadamzattyq qundylyqtar men mádenı san alýandyqty nyǵaıtý negizinde planetarlyq sanany tárbıeleýge jáne dıalogqa jańa serpin berý úshin arnaıy qurylǵan biregeı halyqaralyq ınstıtýt.




Bıyl ıÝNESKO-nyń qoldaýymen halyqaralyq deńgeıde ál-Farabıdiń 1150-jyldyǵy men Abaıdyń 175-jyldyǵy atalyp ótilýde. Oıshyldardyń órkenıettiń damýyna qosqan erekshe zor úlesi halyqarylyq qoǵamdastyq tarapynan laıyqty baǵalandy. Osyǵan oraı onlaın-keńestiń bastamashylary Eýrazııalyq ýnıversıtetter jelisin aǵartýshylar men gýmanıster – ál-Farabı men Abaıdyń qurmetine ataýdy usyndy.

Іs-sharaǵa Eýrazııalyq ýnıversıtetter jelisine engen joǵary oqý oryndarynyń basshylary men ókilderi qatysty: ıÝNESKO qamqorlyǵyndaǵy Halyqaralyq mádenıetterdi jaqyndastyrý ortalyǵynyń dırektory Oljas Súleımenov, ál-Farabı atyndaǵy QazUÝ rektory Ǵalym Mutanov, Qurmanǵazy atyndaǵy UK rektory Arman Júdebaev, S.Asfendııarov atyndaǵy QazUMÝ rektory Talǵat Nurǵojın, QAEÝ Prezıdenti Erejep Mambetkazıev, M.Lomonosov atyndaǵy MMÝ Azııa jáne Afrıka elderi ınstıtýtynyń dırektory Igor Abylgazıev, Abaı atyndaǵy QazUPÝ jáne QazUAÝ prorektorlary Aqtolqyn Qulsarıeva men Aleksandr Kýrdeko, Jerorta teńizi, OA jáne Afrıka elderiniń ıÝNESKO «Avıtsenna» kampýstarynyń vırtýaldy jelisiniń úılestirýshisi, Almaty qalasyndaǵy ıÝNESKO Klasterlik Bıýrosynyń áleýmettik jáne gýmanıtarlyq ǵylymdar sektorynyń jetekshisi Arına Mıasoed, BAQ jáne qoǵam ókilderi.

«Shekarasyz bilim mádenıetin qoldaıtyn ýnıversıtetterdiń Eýrazııalyq jelisiniń» resmı ashylý rásimi qorytyndy kommıýnıke men birlestik jarǵysynyń qabyldanýymen aıaqtaldy.





Basty sózder: Bilim, JOO-lar, Halyqaralyq uıymdar,
Joǵary qaraı