Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bilim mekemelerine Ashyq júıesin engizý máselesi pysyqtalyp jatyr – Aıjan Esmaǵambetova

2021 jyldyń 28 shilde 2021 18:40

NUR-SULTAN. QazAqparat – Sanıtarlyq-epıdemıologııalyq baqylaý komıtetiniń tóraǵasy Aıjan Esmaǵambetova Ashyq júıesin mektep pen balabaqshalarǵa engizý múmkindigi týraly pikir bildirdi, dep habarlaıdy QazAqparat tilshisi.

«Qazir balalardy qyrkúıekten bastap offlaın rejımde oqytý máselesi pysyqtalyp jatyr. Árıne, mektepte bilim alatyn balalardyń sany qazir aıtarlyqtaı kóp – 3 mıllıonnan asady. Biz de balalardyń mektepten úıine vırýs aparý nemese úıinen mektepke vırýs alyp kelý qateri bar ekeninen qaýiptenip otyrmyz. Sondyqtan mektepterge, mektepke deıingi bilim uıymdaryna, joǵary oqý oryndary men arnaıy bilim beretin oryndarǵa Ashyq júıesin mindettep engizý máselesi qarastyrylyp jatyr. Biraq naqty bir sheshim joq», - dedi komıtet tóraǵasy.

Sondaı-aq, ol bilim oshaqtaryna Ashyq júıesin engizgen kúnniń ózinde smartfon alyp júrýdiń qajet bolmaıtynyn túsindirdi.

«Muǵalimderge búginde biz mindetti talap qoıyp otyrmyz. Medıtsınalyq qarsy kórsetilimi joq muǵalimderdiń bári oflaın rejımde jumys isteýi úshin ekpe alýy kerek. Bul balalardyń qaýipsizdigi úshin qajet bolǵandyqtan, mindetti talap. Sonymen qatar, bas sanıtar dárigerdiń qaýlysy boıynsha Ashyq júıesiniń aıasynda smartfony joqtar JSN-in kórsetý arqyly statýsty anyqtaý múmkindigi bar», - dedi Sanıtarlyq-epıdemıologııalyq baqylaý komıtetiniń tóraǵasy.


Joǵary qaraı