Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Bilim mınıstri 800 mektep salýda qandaı mehanızm qoldanylatyndyǵyn aıtty

2021 jyldyń 11 naýryz 2021 11:40

NUR-SULTAN. QazAqparat – 2025 jylǵa qaraı mektepterdegi oryn tapshylyǵy 670 myńdy quraıdy. Bul týraly búgin Úkimet otyrysynda QR Bilim jáne ǵylym mınıstri Ashat Aımaǵambetov aıtty, dep habarlaıdy QazAqparat tilshisi.

«Mańyzdy baǵyttardyń biri – ınfraqurylymdy damytý. Qazirgi ýaqytta elimizde 34 apatty jáne 137 úsh aýysymdy mektep jumys isteıdi. 2025 jylǵa qaraı oryn tapshylyǵy 670 myń orynǵa jetedi dep boljap otyrmyz. Bul máseleni sheshý úshin 800 jańa mektep salynady. Tek qana osy jyldyń sońyna deıin 200 jańa mektepti paıdalanýǵa berý qajet. Aımaqtar tıisti josparmen qamtamasyz etildi. Búgingi kúni jumys qarqyndy júrip jatyr», - dedi mınıstr.

Onyń atap ótýinshe, jekemenshik mektep jelisin arttyrý óte mańyzdy. Sońǵy eki jylda elimizde 41 myń oqýshyǵa arnalǵan 126 jekemenshik mektep ashyldy.

«Bul buǵan deıin ashylǵan jekemenshik mektepterdiń sanynan 2 ese kóp ekenin atap ótkim keledi. Qazirgi ýaqytta mınıstrlik ákimdiktermen birlesip, 800 mektepti salý jol kartalaryn jasaýda. Ol úshin 4 mehanızm qoldanylady: memlekettik-jekeshelik áriptestik, jekemenshik mektepter jelisin damytý, memlekettik bıýdjetten nysanaly qurylys jáne modýldik konstrýktsııalardan mektepter salý», - dedi Ashat Aımaǵambetov.


Joǵary qaraı