Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bilim mınıstri Jambyl oblysyndaǵy vaktsına zaýyty jóninde aıtyp berdi

2021 jyldyń 11 maýsym 2021 20:50

NUR-SULTAN. QazAqparat – QR Bilim jáne ǵylym mınıstri Ashat Aımaǵambetov Jambyl oblysyndaǵy vaktsına shyǵaratyn zaýyt qurylysy jóninde aıtyp berdi, dep habarlaıdy QazAqparat tilshisi.

«Jambyl oblysyndaǵy zaýyt boıynsha qurylys júrip jatyr jáne óńir ákimdigi birneshe ret aqparat berdi. Erejege sáıkes biz Bilim jáne ǵylym mınıstrligi retinde zaýyttar salý, dárilik preparattar, vaktsınalar shyǵarý boıynsha quzyretimiz joq, sondyqtan zańnamaǵa sáıkes zaýytty da ózimiz sala almaımyz. Sondyqtan bul qarajat Jambyl oblysynyń ákimdigine berildi. Qazirgi ýaqytta Jambyl oblysynyń ákimdigi tapsyrys berýshi retinde konkýrs ótkizip, jobalyq-smetalyq qujattama daıyndap, atalǵan qujatqa memlekettik saraptama aldy. Budan ári merdigermen shart jasasyp, zaýyt salýdy bastady», - dedi mınıstr Ortalyq kommýnıkatsııalar qyzmetinde ótken baspasóz máslıhatynda.

Onyń aıtýynsha, qazir qurylys-montajdaý jumystary aıaqtaldy. Jabdyqtary shamamen 100% jetkizilgen.

«Bizdiń aldymyzda úlken mindet tur – jalpy zaýyttyń ózi GMP joǵary talaptaryna saı kelýi tıis: taza ǵımarattar, arnaıy talaptar, aldyn ala valıdatsııaǵa, vaktsınanyń turaqtylyǵyna, tańbalaýǵa qoıylatyn talaptar bar. Osyǵan baılanysty zaýytty iske qosý aldynda aýqymdy jumys júrgizý qajet, ony qazir Jambyl oblysynyń ákimdigi men merdiger júrgizedi», - dep túsindirdi Ashat Aımaǵambetov.


Joǵary qaraı