Aýa raıy
Astana -13 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Bilim mınıstrligi ekinshi toqsandaǵy oqý týraly: Densaýlyq mınıstrliginiń sheshimin kútemiz

2020 jyldyń 20 qazan 2020 10:24

NUR-SULTAN. QazAqparat – Áleýmettik jelilerde 2021 jyly oqýshylardy qashyqtan oqytý formaty jalǵasatyny jaıly aqparat taraǵan edi. Bilim jáne ǵylym mınıstrligi bul málimetti joqqa shyǵardy, dep habarlaıdy QazAqparat tilshisi.

«Alǵashqy toqsan 5 qarashada aıaqtalady. Sanıtarııalyq dárigerlerdiń talaptary boıynsha oqýshylar negizinen qashyqtan oqýda. Ata-analardyń talap-tilekteri boıynsha 1-4 synyp oqýshylary sanıtarııalyq talaptardyń saqtalýymen kezekshi synyptarda bilim alyp jatyr. Bir synypta oqýshylardyń sany 15-ten aspaýy kerek. Ekinshi toqsan boıynsha Densaýlyq saqtaý mınıstrliginiń sheshimin kútip otyrmyz. Bas memlekettik sanıtarııalyq dáriger tıisti qaýly shyǵarady. Densaýlyq saqtaý mınıstrliginen sheshim shyqqannan keıin ony birden habarlaıtyn bolamyz», - dedi Bilim jáne ǵylym mınıstrliginiń baspasóz hatshysy Gaýhar Omarbek.

Onyń aıtýynsha, karantın shekteýleri jaǵdaıynda oqytý formaty týraly sheshimdi Bas memlekettik sanıtarııalyq dáriger qabyldaıdy.

«Mektep jumysynyń formaty kınoteatrlar, saýda ortalyqtary, fıtnes-ortalyqtar sekildi sanıtarııalyq dárigerlerdiń sheshimi men epıdemıologııalyq ahýalǵa baılanysty bolady. Tek shynaıy aqparat kózderine senýge shaqyramyz. Jalǵan aqparat taratqan adamdardyń qylmystyq jaýapkershilikke tartylatynyn eskertemiz», - deıdi Gaýhar Omarbek.


Joǵary qaraı