Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Bıologııalyq qaýipsizdik jónindegi halyqaralyq agenttik qurý úshin jumysty jandandyrý kerek - Prezıdent

2021 jyldyń 18 qarasha 2021 16:24

NUR-SULTAN. QazAqparat – Bıologııalyq qaýipsizdik jónindegi halyqaralyq agenttik qurý úshin jumysty jandandyrý kerek. Bul týraly QR Syrtqy ister mınıstrliginiń keńeıtilgen alqa májilisinde QR Prezıdenti Qasym-Jomart Toqaev málim etti, dep habarlaıdy QazAqparat tilshisi.

«Búkil álemdi pandemııa jaılaǵanyna eki jylǵa jýyqtady. Onyń saldary Qazaqstanǵa da ońaı tıgen joq. Bizdiń dıplomatııalyq korpýs osy kúrdeli kezeńde joǵary deńgeıde qyzmet etti. Sheteldegi myńdaǵan azamatymyzǵa kómek kórsetti. Syrtta qalyp qoıǵan otandastarymyzdy elge alyp kelý úshin tıisti jumys atqardy. Dıplomattarymyzdyń arqasynda Qazaqstanǵa gýmanıtarlyq kómek jetkizildi. Biz de birqatar memleketterge qoldaý kórsettik. «Vaktsınalyq dıplomatııanyń» arqasynda Ortalyq Azııadaǵy indetke baılanysty ahýaldy turaqtandyrýǵa úles qostyq. Túrli qıyndyqqa qaramastan, Sizder aldymyzda turǵan strategııalyq mindetterdi oryndap kelesizder», - dedi Prezıdent dıplomattarǵa qarata aıtqan sózinde.

Memleket basshysy elimiz EKOSOS-qa jáne Birikken Ulttar Uıymynyń Adam quqyqtary jónindegi keńesine saılanǵanyn eske saldy.

«Bıyl teńizge tikeleı shyǵa almaıtyn elder tobyna tóraǵalyq etip otyrmyz. Basqa da mańyzdy bastamalarymyzdy júzege asyrý úshin aýqymdy sharalar qolǵa alyp jatyr. Bıologııalyq qaýipsizdik jónindegi halyqaralyq agenttik qurý úshin jumysty jandandyrý kerek. Aýǵanstandaǵy kúrdeli gýmanıtarlyq daǵdarysty eńserýge óz úlesimizdi qosyp jatyrmyz. Bul – bizdiń syrtqy saıasatymyzdyń jasampazdyq sıpatynyń aıqyn kórinisi», - dedi Qasym-Jomart Toqaev.


Joǵary qaraı