Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bir aptada Qazaqstanda qandaı qylmystar jıi tirkeldi - ІІM

2021 jyldyń 13 qyrkúıek 2021 11:37

NUR-SULTAN. QazAqparat – Bir aptada el aýmaǵynda 3 myńnan astam qylmys tirkeldi. Bul týraly QR Іshki ister mınıstrliginiń resmı ókili Nurdildá Oraz aıtty, dep habarlaıdy QazAqparat tilshisi.

«Eldegi krımıogendi jaǵdaıǵa toqtalaıyq, bir apta ishinde 3 354 qylmys jasaldy, onyń 2 273-i táýlik ishinde ashyldy», - dedi Nurdildá Oraz onlaın bırıfıngide.

Resmı ókildiń aıtýynsha, polıtsııa qyzmetkerleri «izin sýytpaı» 11 kisi óltirýdi, 10 ólimge ákep soqqan densaýlyqqa qasaqana aýyr zııan keltirýdi, 1 qaraqshylyq, 35 tonaý jáne 536 bóten múlikti urlaý qylmystaryn anyqtaǵan.

Sonymen birge, N. Oraz Іshki ister mınıstriniń atyna azamattardan polıtseılerge alǵys aıtqan hattar jıi túsetinin atap ótti.

«Máselen, Shyǵys Qazaqstan oblysynyń turǵyny Ádilbek Netbaev Anyqtaý basqarmasynyń bastyǵy Qazbek Taqjanovqa jáne anyqtaýshy Tatıana Tıtarenkoǵa qylmystyq isti tergeýdegi jedeldigi úshin alǵys aıtty. «Men Polıtsııa departamentine júgingenimde olar ótinishime birden nazar aýdardy. Olardy saýatty ári jedel is-áreketteri nátıjesinde óndiristik jaraqat faktisi boıynsha qylmystyq is sotqa joldandy»,- dep jazady Ádilbek Netbaev. Ol sondaı-aq polıtseılerdiń qyzmette tabys tiledi», - deıdi N. Oraz.


Avtor Aıjan Serikjanqyzy
Basty sózder: Qylmyspen kúres, QR ІІM,
Joǵary qaraı