Aýa raıy
Astana 15 °S
Almaty 23 °S
valıýta baǵamy
USD 412.55
EUR 468.66
RUB 5.79
CNY 58.80

Bir táýlikte koronavırýstan Brazılııada - 631, Úndistanda 500 adam kóz jumdy

2020 jyldyń 13 shilde 2020 14:16

ANKARA. ANADOLY-QazAqparat – Brazılııa men Úndistanda koronavırýs ınfektsııasynan qaıtqandar sany artyp otyr, dep habarlaıdy QazAqparat Anadoly agenttigine silteme jasap.

Brazılııa

Brazılııada SOVID-19 vırýsynan bir táýlikte 631 adam kóz jumǵan. Elde qaýipti ınfektsııadan qaıtys bolǵandardyń jalpy sany 72 100 adamǵa jetti.

Brazılııanyń Densaýlyq saqtaý mınıstrliginiń habarlaýynsha, eldegi SOVID-19 aýrýy rastalǵandardyń sany 24 831-den 1 864 681-ge jetti.

Aýrý juqtyrý men ólim jaǵdaılarynyń basym kópshiligi 46 mıllıon halqy bar San-Paýlýda tirkelgen. Bul shtatta qaýipti indetten 17 848 adam kóz jumǵan.

Qaýipti ınfektsııany juqtyrýdyń rastalǵan jaǵdaılarynyń jalpy sany - 371 977.

Jalpy elde koronavırýstan 1 123 204 adam saýyǵyp shyqty.

Worldmeter ınternet portalynyń málimetinshe, Brazılııa Latyn Amerıkasynda qurban bolǵandar men aýrý juqtyrǵandar sany boıynsha kósh bastap tur jáne álemde ekinshi orynda.

Eske sala keteıik, Brazılııa prezıdenti Jaır Bolsonarýdyń koronavırýsqa tapsyrǵan testiniń nátıjesi onyń naýqas ekenin kórsetken.

Úndistan

Úndistannyń Densaýlyq saqtaý mınıstrliginiń habarlaýynsha, bir táýlikte SOVID-19 vırýsynan 500 adam kóz jumǵan. Elde SOVID-19 indetinen qaıtys bolǵandardyń jalpy sany 23 174 adamǵa deıin artty.

Aýrýǵa shaldyqqandardyń táýliktik ósimi 28 701 adamdy qurap, jalpy sany 878 245 adamǵa jetti. Koronavırýstan 554 429 naýqas emdelip shyqty.

Worldometer ınternet portalynyń málimetinshe, Úndistan álemde COVID-19 juqtyrý jaǵdaılarynyń sany boıynsha úshinshi orynda tur.


Basty sózder: Medıtsına, Koronavırýs, Álem,
Joǵary qaraı