Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bir jarym jylda Qaraǵandy oblysynyń óndiris oshaqtarynda 50 adam kóz jumǵan

2021 jyldyń 20 shilde 2021 12:29

QARAǴANDY. QazAqparat – Qaraǵandy oblysynyń prokýratýrasynda 2020 jyl jáne 2021 jyldyń 6 aıy boıynsha jaraqattaný týraly qylmystyq isterdi tergeýdegi zańdylyqtyń jaı-kúıi, sondaı-aq olardyń aldyn alý boıynsha jumystyń tıimdiligi alqaly jınalysta qaraldy, dep habarlaıdy QazAqparat tilshisi.

Іs-sharaǵa quqyq qorǵaý jáne arnaıy organdardyń basshylyǵy, sonymen birge oblystyń basqa da memlekettik organdary qatysty.

Aımaqtyń ónerkásiptik ekeni atap ótildi. Munda halyqtyń kóp bóligi eńbek etetin ártúrli baǵyttaǵy kóptegen kásiporyndar shoǵyrlanǵan. Sondyqtan olardyń qaýipsizdigi jumys berýshiler jáne baqylaý organdarynyń birinshi kezektegi basty mindeti bolyp tabylady.

Statıstıkaǵa sáıkes, óndiriste jaraqat alýdyń 230-ǵa jýyq faktisi, onyń 22% nemese 50-i ólimge ákeldi. Osyǵan oraı qylmystyq isterdi tergeýdiń problemalyq máseleleri, ýákiletti organdardyń jumysy talqylandy.

«Qaýipsiz eńbek» jobasy ázirlendi, ol josyqsyz jumys berýshilerdi zańda belgilengen jaýapkershilikke tartýdyń biryńǵaı praktıkasyn qalyptastyrýǵa jáne eńbek jaǵdaılarynyń laıyqsyz bolýyna tózimsizdik mádenıetin qalyptastyrýǵa baǵyttalǵan», - dep málimdeldi oblystyq prokýratýrada.

Sonymen qatar, polıtsııa organdarynda qoldanylyp jatqan isterdi tergeý boıynsha ádistemelik usynystar tanystyryldy. Sonymen birge, jaraqattaný deńgeıi joǵary aımaqtarda arnaıy jedel-tergeý toptaryn qurý josparlanýda.


Joǵary qaraı