Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Bir jylda 446 myń sábı - Qazaqstanda bebı-bým karantınnen keıin de jalǵasyp jatyr

2022 jyldyń 24 mamyr 2022 12:21

NUR-SULTAN. QazAqparat – Koronavırýs órshigen 2020 jyldan bastap Qazaqstanda bala týý kórsetkishi artqan, dep habarlaıdy QazAqparat tilshisi Energyprom portalyna silteme jasap.

Qazaqstandaǵy bebı-bým 2020 jyly bastaldy. Sol kezde elimizde 426,8 myń bala dúnıege kelgen edi.

Degenmen, 2021 jyly bul rekord buzylyp, dúnıege kelgen sábıler sany bir jyl burynǵy kórsetkishten - 4,6 paıyzǵa, al 2019 jylǵy kórsetkishten - 11 paıyzǵa artyq.

446,5 myń bala dúnıe esigin ashty. Osy jyldyń úsh aıynda ǵana respýblıkada 95,6 myń balanyń týý týraly kýáligi tirkeldi.

Demek, osydan eki jyl buryn bastalǵan bebı-bým jalǵasyp jatyr degen sóz.

2021 jyly týý koeffıtsıenti de jańa rekord ornatty: 10 myń turǵynǵa shaqqanda 235 sábı dúnıege kelgen.

Salystyrmaly túrde aıtar bolsaq, osydan 20 jyl buryn 10 myń turǵynǵa eseptegende týý kórsetkishi 149 sábı bolatyn.

Munyń ústine týýdyń jıyntyq koeffıtsıenti 3,32-ge jetti. ıAǵnı, bir áıelge 3-ten kóp baladan keledi.

Mundaı rekord elimizde tek sońǵy 2 jylda tirkelip otyr. Bul koeffıtsıent 1999 jyly nebári 1,8 bolatyn.

Bir qyzyǵy, 2021 jyly 125,1 myń bala kópbalaly otbasynda dúnıege kelgen.

Al elimizde 4 jáne odan da kóp balasy bar otbasy kópbalaly dep sanalady. Sonymen qatar dúnıe esigin ashqan 95 myń sábı 10-shy ne odan keıingi bala sanalady.


Joǵary qaraı