Aýa raıy
Astana 15 °S
Almaty 23 °S
valıýta baǵamy
USD 387.34
EUR 428.44
RUB 6.04
CNY 54.58

#BirgeTazaQazaqstan: Aktsııaǵa áskerıler de atsalysyp jatyr

2019 jyldyń 19 tamyz 2019 10:02

TARAZ. QazAqparat – «Ońtústik» óńirlik qolbasshylyǵynyń áskerı bólimderi elde jarııalanǵan «Birge – taza Qazaqstan» ekologııalyq aktsııasyna qosyldy, dep habarlaıdy «QazAqparat» HAA tilshisi.

«Ońtústik» óńirlik qolbasshylyǵynyń basshysy maıor Dına Mýharınovanyń aıtýynsha, komandırler basqarǵan áskerı qyzmetkerler garnızondarynyń janynan aǵyp ótetin aryqtar men ózenderdi tazalaýǵa kiristi. Eń alǵashqylardyń biri bolyp tazalaýǵa 5-shi mehanıkalandyrylǵan brıgadanyń áskerı qyzmetkerleri shyqty. Sondaı-aq aktsııaǵa «Ońtústik» óńirlik qolbasshylyǵynyń Shymkent, Gvardeı, Qyzylorda, Lýgovskıı jáne basqa da garnızondarynyń áskerı qyzmetkerleri qosyldy.

«Elimizdiń premer-mınıstri aktsııa keńinen taralatynyna, jalpy respýblıka deńgeıine tarap, azamattardyń tarapynan qoldaýǵa ıe bolatynyna senim bildirdi. Shynymen de, arnalar men aryqtardy tazalaýǵa áskerı qyzmetkerler ǵana emes, sondaı-aq, olardyń otbasylarynyń músheleri de shyqty. Tipti ózderi nıet bildirgen. Bul áskerı qyzmetkerler men olardyń otbasylary eliniń taǵdyry men jaǵdaıyna beıjaı qaramaıtynyn bildiredi. Biz barlyǵymyz úlken bir eldiń – Qazaqstan Respýblıkasynyń azamattarymyz. Bizdiń áskerı qyzmetkerlerimiz týǵan qalalary men aýyldarynyń kóshelerinde qoqys jatpaǵanyn, ózenderdiń taza bolǵanyn, ekologııanyń nasharlamaǵanyn qalaıdy», - dedi «Ońtústik» óńirlik qolbasshylyǵynyń áskerleri qolbasshysynyń tárbıe jáne ıdeologııalyq jumys jónindegi orynbasary Oraza Kúshikov.

«Ońtústik» óńirlik qolbasshylyǵynyń baspasóz qyzmetinde atap ótkendeı, áskerı qyzmetkerler arnalardy, aryqtardy, sý qoımalaryn, ózenderdi turaqty túrde tazalap otyrýǵa nıetti. Bul basqalar úshin jaqsy úlgi bolmaq.

Galına Skrıpnık

Basty sózder: Ásker, Ekologııa, Jambyl oblysy,
Joǵary qaraı