Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Birqatar oblystarda naızaǵaı oınap, jaýyn jaýady

2021 jyldyń 20 maýsym 2021 02:35

NUR-SULTAN. QazAqparat - Qazgıdromet Qazaqstan aımaqtarynda 2021 jylǵy 20 maýsymda bolatyn erekshe meteorologııalyq qubylystarǵa boljaý konsýltatsııasyn jarııalady, dep habarlaıdy QazAqparat.

Soltústik-batys tsıklonynyń áserimen eldiń basym bóliginde aýa raıy qubylmaly bolady. Naızaǵaı oınap, jańbyr jaýady, soltústikte nóser jańbyr jaýady. Respýblıkanyń tek batysy men ońtústik-batysy atmosferalyq qysymnyń joǵary alqabynda bolady, sondyqtan jaýyn-shashynsyz aýa raıy saqtalady. Respýblıka boıynsha keı jerlerde daýyl, burshaq, jeldiń kúsheıýi, ońtústikte jáne batysta shańdy daýylmen kútiledi.

Qostanaı, Aqmola oblystarynyń keı jerlerinde naızaǵaı, burshaq, daýyl kútiledi, túnde keı jerlerde jel 15-20 m/s, kúndiz 15-20, ekpini 23-28 m/s-ǵa deıin kúsheıedi.

Shyǵys Qazaqstan, Jambyl oblystarynyń keı jerlerinde naızaǵaı, burshaq, daýyl kútiledi, jel 15-20, ekpini 23-28 m/s-ǵa deıin kúsheıedi.

Soltústik Qazaqstan oblysynyń keı jerlerinde naızaǵaı, kúndiz burshaq, daýyl, túnde keı jerlerde, kúndiz basym bóliginde jel 15-20, kúndiz ekpini 23-28 m/s-ǵa deıin kúsheıedi.

Kúndiz Pavlodar oblysynyń keı jerlerinde naızaǵaı, burshaq kútiledi, keı jerlerde jel 15-20, kúndiz ekpini 23 m/s-ǵa deıin kúsheıedi.

Qaraǵandy oblysynyń keı jerlerinde naızaǵaı, burshaq, daýyl kútiledi, jel 15-20 m/s-ǵa deıin kúsheıedi.

Túnde Túrkistan oblysynyń keı jerlerinde, kúndiz taýlarynda naızaǵaı, daýyl, keı jerlerde shańdy daýyl kútiledi, jel 17-22, ekpini 25 m/s-ǵa deıin kúsheıedi. Almaty oblysynyń keı jerlerinde naızaǵaı kútiledi, jel 17-22 m/s kúsheıedi.

Qyzylorda, kúndiz Mańǵystaý oblystarynyń keı jerlerinde jel 15-20 m/s-ǵa deıin kúsheıedi, shańdy daýyl kútiledi.

Kúndiz Mańǵystaý, Aqtóbe, Batys Qazaqstan oblysynyń ońtústiginde qatty ystyq kútiledi.

Qyzylorda, Aqtóbe oblysynyń basym bóliginde, Túrkistan, Jambyl, Almaty, Qaraǵandy oblystarynyń keı jerlerinde, Aqmola, Pavlodar, Shyǵys Qazaqstan, Batys Qazaqstan, Qostanaı oblystarynyń jekelegen aýdandarynda óte joǵary órt qaýipi kútiledi.


Basty sózder: Aýa raıy, Qazgıdromet,
Joǵary qaraı